ن. نازاربايەۆتىڭ كاتارعا رەسمي ساپارى اياسىندا ءبىرقاتار قۇجاتتارعا قول قويىلدى
اتاپ ايتقاندا، قازاقستان ۇكىمەتى مەن كاتار مەملەكەتى ۇكىمەتى اراسىنداعى ديپلوماتيالىق ءتولقۇجات يەلەرىن ۆيزالىق تالاپتان بوساتۋ تۋرالى كەلىسىمدى ق ر سىرتقى ىستەر ءمينيسترى ەرلان ىدىرىسوۆ پەن كاتار سىرتقى ىستەر ءمينيسترىنىڭ ورىنباسارى مۇحاممەد بەن ابداللا ءال رۋمەيحي، قازاقستان مەن كاتار ۇكىمەتتەرى اراسىندا مادەنيەت پەن ونەر سالاسىنداعى ىنتىماقتاستىق تۋرالى كەلىسىمدى ق ر سىرتقى ىستەر ءمينيسترى ەرلان ىدىرىسوۆ پەن كاتاردىڭ مادەنيەت، ونەر جانە مۇرا ءمينيسترى حاماد بەن ابدكل ازيز ءال كاۋاري راسىمدەدى.
سونىمەن قاتار قازاقستان ۇلتتىق بانكى مەن كاتار ورتالىق بانكى اراسىنداعى ءوزارا تۇسىنىستىك تۋرالى مەموراندۋمعا ق ر ۇلتتىق بانكى ءتوراعاسىنىڭ ورىنباسارى نۇرلان قۇسايىنوۆ پەن كاتار ورتالىق بانكىنىڭ ءتوراعاسى شەيح ابداللا بەن ساۋد ءال تاني قول قويدى.
اۆتور: مارلان جيەمباي
