قازاقپارات پەن كاتار جاڭالىقتار اگەنتتىگى ءوزارا اقپارات الماسۋعا ۋاعدالاستى

دوحا. قازاقپارات - ەلباسى نۇرسۇلتان نازاربايەۆتىڭ كاتار مەملەكەتىنە رەسمي ساپارى اياسىندا «قازاقپارات» حالىقارالىق اقپارات اگەنتتىگى مەن كاتاردىڭ جاڭالىقتار اگەنتتىگى اراسىندا مەموراندۋمعا قول قويىلدى.

قۇجاتتى قازاقستاننىڭ كاتارداعى توتەنشە جانە وكىلەتتى ەلشىسى اسقار شوقىبايەۆ پەن كاتار جاڭالىقتار اگەنتتىگىنىڭ باس ديرەكتورى احماد سااد ءال- بۋاينەين راسىمدەدى.

«بۇل قۇجاتقا قول قويۋعا قازاقپارات اگەنتتىگى قازاقستاننىڭ كاتارداعى ەلشىسى رەتىندە ماعان وكىلەتتىك بەردى. جۋىق ارادا ەكى ەلدىڭ اقپارات اگەنتتىكتەرى ءبىر- بىرىمەن اقپارات الماسىپ، ءوز ەلدەرىندە تاراتاتىن بولادى»، - دەدى ا. شوقىبايەۆ.

 اۆتور: مارلان جيەمباي