ەلباسى كاتاردىڭ ىسكەر وكىلدەرىمەن كەزدەسۋدە
«كاتار تەك قانا ءوزىنىڭ وڭىرىندە عانا ەمەس، سونىمەن بىرگە حالىقارالىق ارەنادا دا ماڭىزدى ويىنشى سانالادى جانە ونىڭ الەمدەگى بەدەلى جىلدان جىلعا ارتىپ كەلەدى. ءبىز ونى قولدايمىز. كاتار جان باسىنا شاققانداعى ىشكى جالپى ءونىم بويىنشا ەڭ جوعارى كورسەتكىشتەردىڭ بىرىنە يە جانە ۇكىمەت مۇناي-گاز ونەركاسىبىن دامىتا وتىرىپ، ەكونوميكانى ءارتتاراپتاندىرۋدى جۇرگىزۋ ۇستىندە. ءبىز دە قازىرگى ۋاقىتتا سونىمەن اينالىسۋدامىز»، - دەدى ق ر پرەزيدەنتى كەزدەسۋ بارىسىندا.
مەملەكەت باسشىسى قازاقستان دا كاتار سياقتى تابيعي رەسۋرستاردىڭ، مۇناي مەن گازدىڭ مول قورىنا يە ەكەندىگىن اتاپ ءوتتى. سونداي-اق، تابيعي رەسۋرستارعا تاۋەلدىلىكتەن ارىلۋ ءۇشىن ەلىمىز يندۋستريالىق-يننوۆاتسيالىق دامۋعا باعىتتالعان ءارتاراپتاندىرۋ رەفورمالارىن قولعا العانىن ەسكە سالدى.
«وزدەرىڭىز دە بىلەسىزدەر، قازىرگى ۋاقىتتا باعا قۇبىلمالى بولىپ تۇر جانە ءبىز قيىن جاعدايدا قالۋدامىز. ءبىز قازىردىڭ وزىندە ەلدى يندستريالاندىرۋدىڭ ەكىنشى بەسجىلدىعىمەن جۇمىس ىستەۋدەمىز جانە وڭدەۋ ونەركاسىبىن قۇرۋدامىز. سوندىقتان، ءبىزدىڭ ەلىمىز بۇل تۇرعىدا تابىستى تاجىريبە الماسا الار ەدى»، - دەدى ەلباسى.
اۆتور: مارلان جيەمباي
