قازاقستان مەن كاتاردىڭ ەكىجاقتى قارىم- قاتىناستارى تاريحىنان التى ماڭىزدى وقيعا

استانا. قازاقپارات - ق ر پرەزيدەنتى نۇرسۇلتان نازاربايەۆ رەسمي ساپارمەن كاتار مەملەكەتىنە باردى، بۇگىن وندا ەلباسى كاتار باسشىلىعىمەن، سونداي- اق وسى ەلدىڭ ىسكەرلىك ورتا وكىلدەرىمەن كەزدەسەدى.

اقوردانىڭ باسپا ءسوز قىزمەتى Facebook پاراقشاسىنا مەملەكەت باسشىسىنىڭ ساپارىنا بايلانىستى قازاقستان مەن كاتاردىڭ ەكىجاقتى قارىم- قاتىناستارى تاريحىنان التى ماڭىزدى وقيعانى جاريالادى:

 1. 1993 - جىلعى 1 - شىلدەدە قازاقستان مەن كاتار اراسىنداعى ديپلوماتيالىق قارىم- قاتىناس ورنادى.

 2. نۇرسۇلتان نازاربايەۆتىڭ كاتارعا العاشقى ساپارى 1998 - جىلعى مامىردا ورىن الدى.

3. كاتار ءامىرى شەيح حامادا بەن حاليف ءال تاني ءبىر جىلدان سوڭ قازاقستانعا ساپار جاسادى.

4. قازاقستان ەلورداسىنىڭ سول جاعالاۋىنا كورىك بەرگەن «نۇر استانا» يسلام مادەني ورتالىعى كاتار مەملەكەتى بولگەن گرانت قاراجاتىنا دا سالىندى.

5. مەملەكەت باسشىسى نۇرسۇلتان نازاربايەۆ كاتاردىڭ ەڭ جوعارعى ناگراداسى - تاۋەلسىزدىك وردەنىنىڭ يەگەرى.

6. كاتاردىڭ «ءال جازيرا» تەلەارناسى ورتالىق ازياداعى ءوزىنىڭ العاشقى بيۋروسىن قازاقستاننىڭ وڭتۇستىك استاناسى - الماتىدا اشتى.