ايگۇل يمانبايەۆا ءسابيت ەكەۋىنىڭ اراقاتىناسى جايلى اشىق ايتتى
23 - قازاندا اكتريسا ايگۇل يمانبايەۆا ع. مۇسىرەپوۆ اتىنداعى اكادەميالىك جاستار مەن جاسوسپىرىمدەر تەاترىندا "كەيىپكەر كەلبەتى" اتتى جاڭا جوبادا جانكۇيەرلەرىمەن كەزدەسۋ وتكىزدى.
ونەر الەمىندە وزىندىك ورنى بار ءارتىس اڭگىمە بارىسىندا ەكس- جۇبايى، جاستار تەاترىنىڭ جاڭا باسشىسى ءسابيت ءابدىحالىقوۆ جايلى دا ءسوز قوزعاپ، ەكەۋىنىڭ قارىم- قاتىناسى جايلى ايتىپ ءوتتى.
ايتا كەتەرلىگى، اعىمداعى جىلدىڭ ءساۋىر ايىندا ءسابيت ءابدىحالىقوۆ يمانبايەۆا قىزمەت ەتەتىن بالالار مەن جاسوسپىرىمدەر تەاترىنىڭ باسشىسى بولىپ سايلانعان ەدى. وسى جايتتان سوڭ، ەل اراسىندا ەكى ءارتىستىڭ اراسى قالاي بولار ەكەن دەگەن ساۋال پايدا بولدى.
"ايگۇلگە كۇشتى بولىپتى. ءسابيت شەف بولدى عوي، ەندى بارلىق جاعدايدى جاسايتىن شىعار دەپ شۋلاپ جاتقاندار كوپ. ماعان مۇنداي اڭگىمەلەر ۇنامايدى. مەن سابيتكە تەك باستىعىم رەتىندە قارايمىن"، - دەپ جاۋاپ بەردى تانىمال اكتريسا كورەرمەندەر سۇراعىنا.
الايدا، ايگۇل ءسابيت ەكەۋىنىڭ ورتاق ۇلى اسىلجاننىڭ اكەسىنەن اۋماي قالعانىن جانە اكە جولىن قۋعىسى كەلەتىنىن جاسىرمادى.
«ۇلىم ونەرگە جاقىن، اكەسى سەكىلدى رەجيسسەر بولعىسى كەلەدى. كينو تۇسىرمەك ارمانى بار»، - دەيدى يمانبايەۆا.
قازىردى 11-سىنىپتا وقيتىن اسىلجان بولاشاقتا شەتەلدە ءبىلىم الاتىن كورىنەدى.
سونداي- اق، ايگۇل يمانبايەۆا "ا. ي"جەكە تەاترىن استاناعا كوشىرىپ جاتقانىن ايتىپ قالدى. اكتەرلەردىڭ بۇرىنعى قۇرامىن ايگۇل تۇگەل تاراتىپ جىبەرگەن. تەاتردىڭ جاڭا توبى استانالىق اكتەرلەردەن جاساقتالماق.
nur.kz
