و پ ە ك جيىنى مۇناي ءوندىرىسىن تومەندەتۋ بويىنشا ورتاق شەشىمگە كەلە المادى
ۆەنادا وتكەن و پ ە ك جيىنىنا قاتىسقان تاراپتار ينۆەستيتسيالار مەن جاڭا قازبا ورىندارى قىسقاراتىنىن ايتىپ ءوتتى. ءبىراق نارىقتى تۇراقتاندىرۋ ءۇشىن شارا قابىلداي المادى دەپ جازادى اقپارات قۇرالى.
و پ ە ك- كە مۇشە ەلدەر كەزدەسۋگە ۇيىمعا كىرمەيتىن سەگىز ەلدى شاقىرعان بولاتىن. ونىڭ ىشىندە قازاقستان دا بولدى. ءبىزدىڭ ەلدىڭ اتىنان ەنەرگەتيكا مينيسترلىگىنىڭ وكىلى قاتىستى. الايدا، ازىرگە ەلگە جەتە قويماعان. ءبىراق ۆەدومستۆو استانا مۇنايدىڭ باررەلى 50، 40 دوللار دەگەن ەسەپتى نەگىزگە الىپ وتىرعانىن حابارلادى.
ال ۆەنەسۋەلانىڭ مۇناي ءوندىرىسى ءمينيسترى الەمدىك قارا التىن قۇنىن كوتەرۋ ءۇشىن ءبىرقاتار شارا ۇسىنىپ، ءتيىمدى باعا باررەلى ءۇشىن 88 دوللار دەگەن ۇسىنىس ايتتى. الايدا ۇيىمعا مۇشە باي- قۋاتتى ەلدەر مۇناي ءوندىرىسىنىڭ كولەمىن تومەندەتكىسى جوق. قارا التىندى ەكسپورتتاۋشى الپاۋىت مەملەكەتتەر ءوندىرىس كولەمىن 4- جەلتوقساندا وتەتىن جوسپارلى جيىندارىندا تاعى ءبىر مارتە تالقىلاماق.
«استانا» ارناسى
