عالىمدار قالىڭ قاردى تۇرعىندار تۇتىناتىن اۋىزسۋعا اينالدىرۋدى ۇسىندى

استانا. قازاقپارات -  سۋعا دا ۇنەم كەرەك. ەۋرازيا ۇلتتىق ۋنيۆەرسيتەتىندە باس قوسقان بىلىكتى ماماندار وسىلاي دەپ دابىل قاعۋدا.

 ولاردىڭ ايتۋىنشا، جەرءۇستى مەن جەراستى سۋلارىنىڭ لاستانۋى، تىرشىلىك كوزىنىڭ مولشەردەن ارتىق شىعىندالۋى، مەملەكەتارالىق سۋ ءبولۋ پروبلەمالارى، جاھاندىق كليماتتىڭ جىلىنۋىنان سۋ رەسۋرستارىنىڭ ازايۋ قاۋپى بار.

 ماسەلە ۋاقىتىلى شەشىلمەسە، ەلىمىزدىڭ ەكولوگيالىق، ءتىپتى ەكونوميكالىق تۇراقتىلىعىن دامىتۋدا قيىندىقتار تۋىنداۋى مۇمكىن. سوندىقتان عالىمدار: «قازاقستاندا سۋ تاپشىلىعى بولماۋ ءۇشىن ۇنەمدەۋ مەن جاڭا تەحنولوگياعا كوشۋ كەرەك» ، -  دەيدى.

مىسالى، ارقاعا تۇسەتىن قالىڭ قاردى دا ارنايى تەحنولوگيامەن وڭدەپ، استانالىقتار تۇتىناتىن اۋىزسۋعا اينالدىرۋعا بولادى ەكەن.

 وردەنبەك مازبايەۆ، گەوگرافيا عىلىمدارىنىڭ دوكتورى - قازاقستاننىڭ جەراستى سۋلارى ءالى يگەرىلمەي جاتىر. ونى پايدالانۋ جولدارىن قاراستىرۋىمىز قاجەت. جەرگە تۇسكەن سۋدى ۇتىمدى پايدالانۋ جولدارى ءالى دە قاراستىرىلماعان. قىسقى، كوكتەمگى قار سۋىن، جاڭبىر سۋىن جيناپ الىپ، ونى ەگىندىككە نەگە پايدالانباسقا؟! بىزدە ۇتىمدى جوبالار بار.

www.khabar.kz