دەنەسىنە سۋرەت سالدىراتىنداردىڭ مىنەزى بۇزىلعان - عىلىمي زەرتتەۋ

استانا. قازاقپارات - دەنەسىنە سۋرەت سالدىرۋ سوڭعى جىلدارى بەلەڭ الىپ كەتكەنى بەلگىلى. بۇرىن ونى كوبىنەسە تۇرمەدە جازاسىن وتەۋشىلەر مەن بايكەرلەر عانا جاساتاتىن.

قازىر كوپ ادامدار دەنەسىنە سۋرەت سالعىزاتىن بولدى. كەمبريدجدەگى ەنگليا راسكين ۋنيۆەرسيتەتى عالىمدارىنىڭ جۇرگىزگەن جاڭا زەرتتەۋى «تاتۋ» جاساتقان ادامداردىڭ كوپشىلىگى اگرەسسيۆتى جانە بۇلىك تۋدىرۋعا بەيىم ەكەندىگىن كورسەتتى، دەپ حابارلادى The Daily Mail.

زەرتتەۋگە 20-58 جاس ارالىعىنداعى 378 (181 ايەل، 197 ەر ادام) ادام قاتىستى. ولاردىڭ 97 سىندە «تاتۋ» بولعان. زەرتتەۋشىلەر تاتۋ جاساتپاعان ادامدارعا قاراعاندا، ونى جاساتقان ادامداردا شالت مىنەز، پيعىلى بۇلىك شىعارۋعا باسىم ەكەنىن بايقاعان. عالىمدار ەكى توپ اراسىنداعى ءبىلىم جانە الەۋمەتتىك مارتەبە دەڭگەيىندەگى ايىرماشىلىقتى انىقتامادى.

«تاتۋ» جاساتقان ادامدار اشۋشاڭ بولىپ شىقتى. زەرتتەۋشىلەر بۇلىكشىل ادامداردىڭ تەرىس ەموتسيالارى ولارعا تاتۋ جاساتۋعا ماجبۇرلەۋى مۇمكىن دەپ بولجادى.