20:25, 23 - قازان 2015 | GMT +5
قۇلاعىنا جەلىم قۇيعان قىتايلىق ەستۋ قابىلەتىنەن ايىرىلا جازدادى
استانا. قازاقپارات - 45 جاستاعى قىتايلىق سوڭ ۋاڭ قۇلاق قۋىسىنىڭ اۋىرۋىنان قاتتى زارداپ شەككەن.
ءتۇن ورتاسىندا شىداي الماي ويانعان ۋاڭ شاتاسىپ، قۇلاققا ارنالعان تامشىلاردىڭ ورنىنا "502 Glue" اتتى اسەرى كۇشتى جەلىمدى قۇيىپ جىبەرگەن.
قىتايلىق قاتەلەسكەنىن كەلەسى كۇنى عانا ءبىلىپ، دەرەۋ اۋرۋحاناعا باردى، دەپ حابارلادى The Mirror.
قىتايلىقتى تەكسەرگەن دارىگەرلەر جەلىم تاماق بولىمىنە دەيىن جەتىپ، قۇلاقتاعى دابىل جارعاعىنىڭ ءبىر بولىگىنە زاقىم كەلتىرگەنىن ايتتى.
سالدارىنان ەر ادامنىڭ شامامەن ءبىر اپتاداي ءبىر قۇلاعى ەستىمەي قالعان. دارىگەرلەر ءتيىستى ەمدىك شارالارىن پايدالانىپ، ونىڭ قۇلاعىن اۋپىرممەن قالپىنا كەلتىردى.
