ايدىن ايىمبەتوۆ: ومىردە قول جەتكىزگەن جەتىستىكتەرىم - ۇستازدارىمنىڭ ارقاسى

استانا. قازاقپارات - بۇگىن قازاق عارىشكەرى، حالىق قاھارمانى ايدىن ايىمبەتوۆ ق ر قارۋلى كۇشتەرى اۋە-قورعانىس كۇشتەرىنىڭ اسكەري-اۋە ۇشقىشتارىمەن كەزدەسىپ، اۋە-قورعانىس كۇشتەرىنىڭ عارىشقا بارىپ كەلگەن تۋىن جاس ۇشقىشتارعا تابىس ەتتى.

«ەڭ الدىمەن، ارينە، ءۇشىنشى قازاق عارىشكەرىنىڭ سامعاۋىنا جاعداي جاساعان جوعارعى باس قولباسشىسى - مەملەكەت باسشىسى نۇرسۇلتان نازاربايەۆقا العىسىم زور. مەن بۇل وقيعاعا 1998 -جىلدان بەرى دايىندالدىم. جالپى، مەن ومىردە نەگە قول جەتكىزسەم دە ول - ۇستازدارىم مەن تالىمگەرلەرىمنىڭ ارقاسى. كەزىندە، ۋچيليشەدە وقىپ جۇرگەنىمىزدە توقتار وڭعارباي ۇلىنىڭ (قازاقستان رەسپۋبليكاسىنىڭ حالىق قاھارمانى) ۇشىپ-قونعانىن كورگەن ەدىك، كەيىن بۇل كىسى مەنىڭ ومىرلىك ۇستازىما اينالدى. بۇل ادام مەنىڭ ۇشقىش رەتىندە قالىپتاسۋىما كوپ ىقپال ەتكەن ادام»، - دەيدى ا. ايىمبەتوۆ.

 كەزدەسۋ بارىسىندا ق ر اۋە قورعانىس كۇشتەرىنىڭ باس قولباسشىسى، اۆياتسيا گەنەرال-مايورى نۇرلان ورمانبەتوۆ حالىق قاھارمانى ايدىن ايىمبەتوۆكە ق ر اۋە قورعانىس كۇشتەرىنىڭ توسبەلگىسىن تابىس ەتتى.

ەستەرىڭىزگە سالا كەتەيىك، 2015 -جىلدىڭ 2 -قىركۇيەگىندە «بايقوڭىر» عارىش ايلاعىنان تاۋەلسىز قازاقستاننىڭ تۇڭعىش عارىشكەرى ايدىن ايىمبەتوۆ «سويۋز ت م ا-18م» راكەتاسىمەن عارىشقا ۇشقان بولاتىن. ايدىن ايىمبەتوۆ عارىشتا 9 كۇن 20 ساعات بولدى.

اۆتور: كەنجەكەي توقتامۇرات قىزى