قىتايلىقتارعا اقىل- ەسى كەم قالىڭدىقتاردى ساتقان

 استانا. قازاقپارات - جاقىندا رەسەي قۇقىق قورعاۋشىلارى ادامنىڭ ويىنا كىرىپ- شىقپايتىن ىسپەن اينالىسقان قىلمىسكەرلەردى قۇرىقتادى.

ولار كەدەي وتباسىنداعى اقىل- ەسى كەم قىزداردى قىتاي ەلىنىڭ جىگىتتەرىنە ساتىپ وتىرعان. قالىڭدىقتاردىڭ قۇنى - 50 - 100 مىڭ يۋان (500 مىڭ - 1 ميلليون رۋبل) ارالىعىندا بولعان.

قىلمىسكەرلەر «تاۋارلارىن» ءۇيدىڭ ىشىندە ەمەس، شوشقا قورادا ۇستاعان. «تاۋاردى» ساتىپ الۋشىلار، اسىرەسە، قىتايدان كوپ تابىلعان. 34 ميلليونعا جۋىق ەركەك جۇبايسىز قالۋى مۇمكىن بولعاندىقتان، ولاردىڭ كوبى «ايەل بولسا بولدى» دەپ شەشكەن.

ال قالىڭدىقتاردىڭ اكە- شەشەلەرى شەتەلگە كەتكەن قىزدارىنىڭ تاعدىرىن ويلاپ، ەش قايعىرماعان. پوليتسەيلەر شوشقا قورادا قامالىپ وتىرعان قىزداردى قۇتقارىپ، وتباسىلارىنا تابىس ەتكەن. ءبىراق ءبىر قالىڭدىقتىڭ اتا- اناسى ونى قايتادان ۇيىنە الۋعا كەلىسپەي قويىپتى. ۇكىمەت قىزىن اسىراپ- باعۋ ءۇشىن اقشا تولەمەك بولعاندا عانا كەلىسىمىن بەرگەن.

«جاس الاش»