بانان قابىعى پايدالى بولىپ شىقتى
بىرىنشىدەن، بانان قابىقشاسىندا ىشەك جۇمىسىن رەتتەيتىن وزەك بار. سونىمەن قاتار، ونىڭ قۇرامىندا ماگني، كالي، ا، س، ۆ6, ۆ12 دارۋمەندەرى، اقۋىز بار. ا دارۋمەنى تىستەر مەن جۇمساق تىندەر ءۇشىن پايدالى، ۆ6 دارۋمەنى يممۋنيتەتتى ساقتاپ، مي مەن جۇرەكتىڭ قالىپتى جاعدايىنا جاۋاپ بەرەدى. سونداي-اق ول قانداعى قانت قۇرامىن رەتتەپ، كوڭىل كۇيدى جاقسارتادى. ال ۆ12 دارۋمەنى باس ميى مەن جۇيكە جۇيەسى ءۇشىن ماڭىزدى.
2011-جىلى عالىمدار بانان قابىقشاسىندا پوليفەنولدار مەن كاروتينويدتار بار ەكەنى تۋرالى ايتقان بولاتىن. وسىنىڭ بارلىعى جالپى العاندا مەتابوليزمدى جەدەلدەتۋگە كومەكتەسەدى. وعان قوسا، قابىقشادا كالوريالار جوقتىڭ قاسى. ال وزەك توقتىق سەزىمىن ۇزارتادى، وعان قوسا، ونىڭ حولەستەريندى تومەندەتەتىنى تۋرالى مالىمەتتەر بار. تاياۋدا عالىمدار بانان قابىقشاسىنان كوڭىل كۇيدى جاقسارتاتىن گورمون - سەروتونيندى انىقتاعان. سونداي-اق قابىقشادا شەل اۋرۋى مەن ماكۋليارلىق دەگەنەراتسيانىڭ دامۋىنا جول بەرمەيتىن ليۋتەين كوپ.
الايدا، ديەتولوگتاردىڭ اتاپ وتۋىنشە، باناندارعا پەستيتسيدتەر كوپ سەبىلەدى. سوندىقتان ورگانيكالىق باناندار ساتىپ الۋ كەرەك نەمەسە ولاردى جاقسىلاپ جۋعان ءجون. قابىقشانىڭ ءوزىن پىسىرىلگەن، كەپتىرىلگەن كۇيىندە نەمەسە سمۋزيگە قوسىپ جەۋگە بولادى.
