ەڭ تانىمال وتاندىق سپورتشىلاردىڭ جان جارى كىمدەر - فوتو

استانا. قازاقپارات - الەمگە اتى تانىمال سپورتشىنىڭ ايەلى بولۋدىڭ دا ءوز قيىندىقتارى بار. ءار سايىستا كۇيەۋى ءۇشىن الاڭداپ، جاندارىن شۇبەرەككە ءتۇيىپ وتىراتىن وتاندىق تانىمال سپورتشىلاردىڭ جان جارى كىمدەر؟

سپورتشىلاردى جاڭا جەڭىستەرگە شابىتتاندىرىپ، وتباسىلىق باقىتقا كەنەلتكەن ايەلدەردىڭ ءتىزىمىن ztb.kz سايتىنا سىلتەمە جاساپ نازارلارىڭىزعا ۇسىنامىز.

الينا گولوۆكينا

جەڭىلمەيتىن قازاقستاندىق بوكسشى گەننادي گولوۆكيننىڭ ايەلى. ولار 2007-جىلدىڭ 7- ايىنىڭ 7- كۇنىندە نەكەسىن قيعان.

قوس عاشىق 2000-جىلى بوكسشى سەرىك ەلەۋسىزوۆتىڭ تۋعان كۇن كەشىندە تانىسقان. الينا ونىڭ اپكەسىنىڭ قۇربىسى بولاتىن. تويدى قاراعاندىنىڭ مەيرامحانالارىنىڭ بىرىندە وتكىزدى. مەرەكەگە قازاقستاننىڭ بوكس قۇراماسى تولىقتاي كەلدى.

بۇگىندە گولوۆكين جارىمەن گەرمانيادا تۇرىپ جاتىر. ولاردىڭ ورتاق ۆاديم ەسىمدى ۇلى بار.

ءمولدىر ساپيەۆا

وليمپيادا چەمپيونى سەرىك ساپيەۆتىڭ ايەلى. ولاردىڭ ورتاق اققۋ، الۋا جانە ايسۇلۋ ەسىمدى ءۇش قىزى بار.

ناتاليا يلينا

ەكى دۇركىن وليمپيادا چەمپيونى يليننىڭ ايەلى. ناتاليا - كاسىبي گاندبولشى. قوس عاشىق 2012-جىلدىڭ 9- قىركۇيەگىندە نەكەلەرىن قيعان.

ورتاق التى جاستاعى ميلانا ەسىمدى قىزى بار. ميلانا دا كىشكەنتايىنان سپورتقا ۇلكەن قىزىعۋشىلىق تانىتۋدا.

مەرۋەرت قىدىربايەۆا

اۋىر اتلەتيكادان الەم چەمپيونى جاسۇلان قىدىربايەۆتىڭ ايەلى. ەكەۋى الماتىداعى ءبىر كوللەدجدە ءبىلىم الىپ، 2012-جىلى نەكەلەرىن قيدىردى.

جاسۇلان مەن مەرۋەرتتىڭ 2 جاستاعى ءماريام ەسىمدى قىزى بار.

سۆەتلانا ۆينوكۋروۆا

لوندون-2012 وليمپيادا چەمپيونى الەكساندر ۆينوكۋروۆتىڭ ايەلى. الەكساندر مەن سۆەتلانا پەتروپاۆل قالاسىنىڭ بىشكۇل اۋىلىندا تانىسقان. سۆەتلانا جۇبايىنا الەمگە تانىمال بولماي تۇرىپ قولداۋ كورسەتىپ جۇرگەن.

ەرلى-زايىپتىلاردىڭ 16 جاستاعى يرينا ەسىمدى قىزى جانە 13 جاستاعى كيريلل جانە نيكوليا ەسىمدى ەگىز بالالارى بار.

ۋما سماقوۆا

فۋتبولشى سامات سماقوۆتىڭ ايەلى. قوس عاشىق 16 جىل بىرگە تۇرىپ كەلەدى. 10 جاستاعى ساميرا ەسىمدى قىزى مەن 7 جاستاعى الامگير جانە 2 جاسار دانيار ەسىمدى ۇلدارى بار.

ۇلكەن ۇلى الامگير فۋتبولمەن شۇعىلدانادى.

nur.kz