استانانىڭ ءبىلىم بەرۋ مەكەمەلەرىندە اۋا رايىنا بايلانىستى ساباقتى توقتاتۋ پارامەترلەرى
دەپ حابارلادى قالالىق اكىمدىكتىڭ باسپا ءسوز قىزمەتىنەن.
ءبىلىم باسقارماسىنىڭ حابارلاۋىنشا، بالالاردىڭ قاۋىپسىزدىگى مەن دەنساۋلىعىن ساقتاۋ ماقساتىندا، ءبىلىم مەكەمەلەرىندە ساباقتى توقتاتۋدىڭ پارامەترلەرى:
- 1-4 سىنىپتاردا اۋانىڭ تەمپەراتۋراسى مينۋس 25 گرادۋس جانە ودان تومەن بولعاندا (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس)؛
- 1-9 سىنىپتاردا اۋانىڭ تەمپەراتۋراسى مينۋس 30 گرادۋس جانە ودان تومەن (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس) بولعاندا؛
- 1-11 (12) سىنىپتاردا، كوللەدجدەردە (1-2 كۋرس ستۋدەنتتەرى) ءۇشىن اۋانىڭ تەمپەراتۋراسى مينۋس 35 گرادۋس جانە ودان تومەن (اتموسفەرالىق اۋانىڭ تەمپەراتۋراسى جەلدىڭ جىلدامدىعىنا سايكەس) بولعاندا؛
ايتا كەتۋ كەرەك، ەگەر جەلدىڭ كۇشى 15-20 م/س بولعاندا اۋا تەمپەراتۋراسى كۇشەيەدى (قاتتى جەل، بوران، كورۋ دەڭگەيىنىڭ تومەندەۋى).
ساباقتى توقتاتۋ تۋرالى اقپاراتتى 6.45-تەن 7.00 گە دەيىن (ءبىرىنشى اۋىسىم) جانە 12.15-تەن 12.30-عا دەيىن (ەكىنشى اۋىسىم) كەلەسى اقپارات كوزدەرىنەن الا الادى:
- «الما ت ۆ» كابەلدىك جۇيەسىنە قوسىلعان بولساڭىز، «31-ارنا»، «س ت ۆ» ارنالارىنىڭ جۇگىرتپە جولىندا، «الما ت ۆ» ، استاناتەلەكوم «Digital ТВ» كابەلدى تەلەۆيزيالىق جۇيەسىنىڭ اقپاراتتىق كانالىنان جازباشا تۇردە حابارلاما بەرىلەدى؛
- «حابار»، «قازاقستان-1»، «ورت قازاقستان»، «استانا تۆ »، «ك ت ك»، «ن ت ك» تەلەارنالارىنان «داۋىستى حابارلاما» بەرىلەدى؛
- «راديو- استانا»، «قازاقستان- ر ۆ»، «اۆتو- راديو»، «شالقار» راديو تولقىندارىنان «داۋىستى حابارلاما» بەرىلەدى؛
- 169 (اقىلى) ، 109 (ۇيالى تەلەفوننان اقىسىز) تەلەفوندارىنا قوڭىراۋ شالۋعا بولادى؛
- استانا قالاسى اكىمدىگىنىڭ www. astana.gov.kz سايتىندا بەرىلەدى؛
- ءبىلىم باسقارماسىنىڭ bilim.astana.kz سايتىندا ساباقتى توقتاتۋ پارامەترلەرى تۋرالى اقپارات بەرىلگەن؛
- اتا- انالار ءۇشىن بالالارى وقيتىن مەكتەپتىڭ كەزەكشى تەلەفونىنا، سىنىپ جەتەكشىسىنە، مەكتەپ اكىمشىلىگىنە حابارلاسۋعا بولادى.
ەسكەرتۋ: اتا- انالاردىڭ ەسىنە، ساباقتى توقتاتۋ تۋرالى اقپارات كورسەتىلگەن ۋاقىتتا بەرىلەدى. قىس مەزگىلىندە اۋا- رايىنىڭ سۋىقتىعىن ەسكەرىپ بالالارىڭىزعا جىلى كيىنۋدى، اقپاراتتى ۋاقىتىلى تىڭداۋىن قاتاڭ تاپسىرۋلارىڭىزدى وتىنەمىز.
