قارامايلى سابىننىڭ ەمدىك قاسيەتتەرى

استانا. قازاقپارات - كەيبىر كوسمەتيكالىق بۇيىمدار سىمباتتى كورىنۋگە جول اشقانمەن، ولاردى ساتىپ الۋعا كەز كەلگەننىڭ قالتاسى كوتەرە بەرمەيدى.

ءبىراق، كوسمەتيكالىق بۇيىمداردان كەم بولمايتىن ءارى قولجەتىمدى باعامەن ساتىلاتىن قارامايلى سابىننىڭ تەرىگە پايداسى كوپ دەيدى كوسمەتولوگ ماماندار.

قازىرگى تاڭدا بۇل سابىنعا سۇرانىس كوپ. سەبەبى قارامايلى سابىننىڭ %90 ى ءجاي سابىننان، ال %10 ى قايىڭ قارامايىنان تۇرادى. ەمدىك قاسيەتتەرگە باي قايىڭ قارامايى پسورياز، دەرماتيت، سۇيەل ت. س. س. تەرى اۋرۋلارىنىڭ الدىن الىپ، باكتەريالارعا توتەپ بەرەدى. قايىڭ قارامايى تەرىدەگى سىزاتتاردىڭ بولماۋىنا، جاراقاتتاردىڭ جازىلۋىنا ىقپال ەتىپ، تەرىنى كۇيىك شالعاندا دا كومەككە كەلەدى. بەتتەگى قارا داقتار مەن بەزەۋلەردەن ارىلام دەسەڭىز، تۇراقتى تۇردە قارامايلى سابىندى قولدانعان ءجون.

قارامايلى سابىننىڭ ءيىسى جاعىمسىز كەلگەنمەن قۇرامىنداعى تابيعي قۇرامداس بولىكتەرى تەرىنى قاتايتىپ، نارلەندىرەدى.

سونداي- اق، بۇل سابىن تەرى اۋرۋلارىنا عانا ەمەس، شاش كۇتىمىنە دە پايداسى زور. قايىزعاقتان ارىلۋعا، شاشتىڭ ۇشتانۋى مەن تۇسۋىنەن ساقتايدى. باس تەرىسىن قاتايتىپ، شاشتىڭ وسىمىنە وڭ اسەرىن تيگىزەدى.

ايتا كەتەتىنى، سابىن بارلىق تەرى تۇرىنە ارنالعان. اسىرەسە، قۇرعاق تەرىگە پايداسى كوپ. الايدا، بۇل سابىندى جاز مەزگىلىندە قولدانعاننان گورى، قىس مەزگىلىندە ءجيى پايدالانعان دۇرىس. سەبەبى، سابىن قىستا تەرىنى سۋىق- ايازدان ساقتاي الادى. ال، جاز مەزگىلىندە سيرەك قولدانۋدىڭ سەبەبى اپتاپ ىستىقتا تەرى مايلى بولعاندىقتان، ونى اپتاسىنا ەكى رەت قانا قولدانۋ كەرەك.

 

baq.kz