قىتاي ازاماتى ۇشاقتا قازاقستاندىقتىڭ قوماقتى قاراجاتىن ۇرلاپ العان

استانا. قازاقپارات - قىتاي ازاماتى قازاقستاندىق اۋە كولىگى جولاۋشىسىنىڭ ءىرى كولەمدەگى قاراجاتىن توناپ كەتكەن، دەپ حابارلايدى كولىكتەگى ءى ءى د باسپا ءسوز قىزمەتىنەن.

«2015 -جىلعى 19 -قازان كۇنى تاڭعى ساعات 07:15 تە الماتى اۋەجايىنداعى جەلىلىك پوليتسيا بولىمىنە الماتى قالاسىنىڭ تۇرعىنى ازامات ە. تۋرابەكوۆتەن «ماسكەۋ- الماتى» باعىتى بويىنشا ۇشۋ كەزىندە پورتفەلىندە تۇرعان 280000 تەڭگە اقشاسىن ۇرلاتقانى تۋرالى ارىز كەلىپ تۇسكەن. اتالعان قىلمىسقا قاتىستى كۇدىكتى رەتىندە ق ح ر ازاماتى ۇستالدى.

كۇدىكتى جولاۋشى رەتىندە وسى اۋە مارشرۋتىمەن ۇشىپ كەلگەن، بۇدان سوڭ «الماتى- بەيجىڭ» باعىتىمەن ۇشۋدى جالعاستىرماق بولعان. سوتقا دەيىنگى تەرگەۋ بارىسىندا ق ح ر ازاماتى جاساعان ايىبىن تولىق مويىنداپ، ول ازاماتتان 280000 تەڭگە اقشا الىندى»، دەلىنگەن حابارلامادا.

قىلمىستىڭ جولىن كەسۋ ماقساتىنداعى شارالار قولعا الىندى.