قازاتوم ونەركاسىپ پەن امەريكالىق يادرولىق-ەنەرگەتيكالىق كومپانيا ىنتىماقتاستىقتى كوزدەيدى
قۇجاتتا قوس كومپانيانىڭ اتوم ەنەرگەتيكاسى سالاسىنداعى ىنتىماقتاستىعىنىڭ نەگىزگى شارتتارى بەلگىلەنگەن. مەموراندۋم اياسىندا قازاقستاندىق ۋراندى الەمدىك نارىققا شىعارۋدىڭ باسەكەگە قابىلەتتىلىگىن جەتكىزىپ بەرۋلەرى بويىنشا ءوزارا ءتيىمدى قارىم-قاتىناستاردى دامىتۋ كوزدەلۋدە.
امەريكالىق «Centrus Energy Corp.» كومپانياسى ا ق ش- تىڭ ونەركاسىپتىك اتوم ەلەكتر ستانسالارىنا نەگىزگى وتىن جەتكىزىپ بەرۋشى سانالادى.
ا ق ش- قا ساپارى كەزىندە اسقار جۇماعاليەۆ دۇنيە جۇزىلىك ءىرى يادرولىق- ەنەرگەتيكالىق كومپانيالاردىڭ توپ-مەنەدجەرلەرىمەن - «Westinghouse Electric Company» پرەزيدەنتى جانە باس اتقارۋشى ديرەكتورى دەنني رودەريكپەن جانە «Cameco» پرەزيدەنتى تيم گيتتسەلمەن كەزدەسۋدى جوسپارلاۋدا. قازاقستاننىڭ ۇلتتىق اتوم كومپانياسىنىڭ باسشىسى ارىپتەستەرىمەن سالانىڭ قازىرگى احۋالىن، بىرلەسكەن جوبالاردى جۇزەگە اسىرۋدىڭ بارىسىن جانە ىنتىماقتاستىقتىڭ وزەكتى ماسەلەلەرىن تالقىلايدى. كەزدەسۋلەر قورىتىندىسى بويىنشا اسقار جۇماعاليەۆ بيزنەس- سەرىكتەستەرىن «بولاشاقتىڭ ەنەرگياسى» تاقىرىبىمەن وتەتىن «استانا ەكسپو-2017» حالىقارالىق كورمەسىنە قاتىسۋعا شاقىرادى.
سونداي-اق، ساپار اياسىندا «قازاتوم ونەركاسىپ» باسشىسى يادرولىق-ەنەرگەتيكالىق سەكتوردا جۇمىس جۇرگىزەتىن كومپانيالاردىڭ وكىلدەرىمەن دە ەكىجاقتى ىسكەرلىك كەزدەسۋلەر وتكىزبەك. اسقار جۇماعاليەۆ سالىنىپ جاتقان اتوم ستانساسىن ارالاپ، «Westinghouse» كومپانياسىنىڭ وتىن قۇرامالارىن شىعاراتىن زاۋىتى جۇمىسىمەن تانىسادى.
