قازاقستان ازاماتتارى بولاشاقتا نەگىزىنەن ۇشاقتارمەن قاتىنايتىن بولادى

 استانا. قازاقپارات - قازاقستاندا اۋەجولدارى ارقىلى قاتىنايتىن حالىق سانى جىل ساناپ ارتاتىن بولادى.

 بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «Qazaq Air» كومپانياسى باسقارما ءتوراعاسىنىڭ قىزمەتىن اتقارۋشى بلەر پوللوك ءمالىم ەتتى.

«قازاقستاندا قالا ارالىق قاتىناۋدىڭ تەك 43 پايىزى اۋە ۇشۋلارعا تيەسىلى. 57 پايىزى جەردەگى كولىكپەن اتقارىلادى. 43 پايىز - وتە تومەن كورسەتكىش. دامىعان ەلدەردە ونىڭ ۇلەسى الدەقايدا جوعارى»، - دەيدى ب. پوللوك.

ونىڭ ايتۋىنشا، بولاشاقتا قازاقستاندىقتار جەردەگى كولىكتەن گورى، اۋە ارقىلى قاتىناۋدى ءجيى ءجون كورەتىن بولادى.

«جاقىن بەس جىلدا قازاقستاندا اۋە كولىكتەرىندەگى جولاۋشىلاردىڭ سانى جىل سايىن 7 پايىزعا ارتىپ وتىرادى دەگەن بولجام بار. ءبىزدىڭ جوسپار بويىنشا، بولاشاقتا قازاقستاندىقتار جەردەگى كولىككە قاراعاندا، نەگىزىنەن اۋە كولىكتەرى ارقىلى قاتىنايتىن بولادى»، - دەپ اتاپ ءوتتى ب. پوللوك.

 Qazaq Air كومپانياسى ايماقتىق كومپانيا بولىپ تابىلادى جانە قازىرگى ۋاقىتتا تەك قازاقستاننىڭ ىشكى رەيستەرىن دامىتۋدى كوزدەۋدە.

 اۆتور: جاسۇلان جولدىبايەۆ