ەلىمىزدە الەمدە بالاماسى جوق اككۋمۋلياتور جاسالىپ جاتىر
قوندىرعى 1 كيلوۆات ەنەرگيا بەرەدى. بۇدان بولەك، 360 گرادۋستا جارىق بەرەتىن، 15 جىلعا دەيىن جارامدى، قۋاتتى 3-4 ەسە ۇنەمدەيتىن شامداردىڭ ءوندىرىسى قولعا الىنعان، دەپ جازادى massaget.kz.
استانادا 2017 - جىلى وتەتىن EXPO كورمەسىنە ۇسىنىلاتىن وسىنداي 25 ءتۇرلى تىڭ جوبا تانىستىرىلدى. جاڭاشىلدىقتارعا تولى عىلىمي ىزدەنىستەردى «استانا EXPO-2017» ۇلتتىق كومپانياسىنىڭ باسقارما ءتوراعاسى احمەتجان ەسىموۆ پەن ەنەرگەتيكا ءمينيسترى ۆلاديمير شكولنيك ارالاپ كوردى. ەگەر عالىمداردىڭ بالامالى قۋات كوزدەرىن دامىتۋعا باعىتتالعان ەڭبەكتەرى تيىمدىلىگىن دالەلدەسە، حالىقارالىق كورمەگە قويىلادى. ال جوبالاردىڭ ىسكە اسۋىنا بيزنەسمەندەر اتسالىسىپ، مەملەكەت تاراپىنان دا قارجىلاندىرىلۋدا.
«ءار جوبانىڭ باعاسى ءار ءتۇرلى. 2 جىل بۇرىن باعدارلاما باستالدى. ءبىراق ونىڭ الدىندا ىرگەلى زەرتتەۋلەر جاسالعان. مىسالى مىناۋ باتارەيالاردى ءبىز EXPO- عا دايىنداپ جاتىرمىز. ءبىراق ول بۇگىن جاسالعان جوق. ونىڭ ىرگەلى عىلىمي زەرتتەۋ جۇمىستارى 5-6 جىل بۇرىن جاسالعان. سوندىقتان قانشا قارجى جۇمسالدى؟ قانداي باعادا تۇرادى دەپ ايتۋ وتە قيىن»، - دەيدى تەحنيكا عىلىمدارىنىڭ دوكتورى، پروفەسسور ابدىكارىم زەينۋللين.
