19:29, 20 - قازان 2015 | GMT +5
ورالدا ناۋقاستىڭ ىشىندە داكەنى ۇمىت قالدىرعان دارىگەرگە قاتىستى سوت ۇكىمى شىقتى
ورال. قازاقپارات - ورال قالالىق سوتىنىڭ ۇكىمىمەن وبلىستىق اۋرۋحانانىڭ دارىگەرى ە. اساۋوۆ ق ر قك 114-بابى 4-بولىمىنە سايكەس (1997 -جىلعى رەداكسياداعى) ايىپتى دەپ تانىلىپ، مەرزىمى ءوتىپ كەتۋىنە بايلانىستى قىلمىستىق جاۋاپكەرشىلىكتەن بوساتىلدى.
ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، 2013 -جىلى 13 -قازاندا پىشاق جاراقاتىمەن وبلىستىق اۋرۋحاناعا تۇسكەن ناۋقاسقا وتا جاسالعان. الايدا دارىگەر كاسىبي مىندەتىن دۇرىس اتقارماي، جۇمىسىنا سالعىرت قاراپ، ناۋقاستىڭ ءىش قۋىسىندا تاڭاتىن داكەنى ۇمىت قالدىرعان. سونىڭ سالدارىنان ناۋقاستىڭ ءىشى قابىنىپ، پەريتونيتكە اينالىپ، كوز جۇمعان.
اۆتور: ەلجان ەرالى
