ۇشاقتا كورشىسىن تىستەپ قايتىس بولعان جولاۋشى اسقازانىندا ەسىرتكى الىپ بارا جاتقان

استانا. قازاقپارات - ليسسابون- دۋبلين رەيسىندە كورشىسىن تىستەپ الىپ، كەيىن قايتىس بولعان ادامنىڭ اسقازانىنان 1 كەلىگە جۋىق ەسىرتكى تابىلدى، - دەپ حابارلايدى ر ي ا نوۆوستي.

ايتا كەتەيىك، وقيعا دۇيسەنبى كۇنى Aer Lingus اۋە كومپانياسىنىڭ ۇشاعىندا بولعان ەدى. برازيليالىق 24 جاستاعى جولاۋشىنىڭ ۇشۋ كەزىندە ۇستاماسى ۇستاپ، ول كورشىسىن تىستەپ الادى. وسىدان كەيىن ەكيپاج كومانديرى شۇعىل قونۋ كەرەكتىگىن حابارلايدى. ۇشاق جەرگە قونعاننان كەيىن ەر ادام ەس-ءتۇسسىز قالادى. دارىگەرلەر وسىدان كەيىن ونىڭ قايتىس بولعانىن مالىمدەدى.

Irish Times باسىلىمى پورتۋگاليالىق ازاماتتىڭ اسقازانىنان 0,8 كەلى ەسىرتكىنىڭ تابىلعانىن حابارلادى. ەسىرتكى 80 تۇيىنشەككە ءبولىنىپتى. دارىگەرلەردىڭ ايتۋىنشا، ۇشۋ كەزىندە تۇيىرشىكتەردىڭ ءبىرى جارىلىپ كەتكەن.

بولجام بويىنشا، ەسىرتكىنىڭ قۇنى 56 مىڭ ەۆرو شاماسىندا. قازىر ەسىرتكىنىڭ ناقتى قاي تۇرگە جاتاتىنىن انىقتاۋ ءۇشىن ساراپتامالار تاعايىندالدى.

kaz.tengrinews.kz