رەسەيدە تۇسىرگەن كينو قازاق كورەرمەندەرىن شوشىتتى
كىلەڭ تالانتتار جايلى باياندالعان تۋىندىدا رەسەيلىك رەجيسسەرلەر الماتىنى ءوز وتاندارىنىڭ ءبىر بولشەگى دەپ اتاپ، ال قازاقتىڭ قالعان دالاسىن ءوز تەرريتورياسىنا كىرگىزىپ جىبەرگەن.
جۇرتتىڭ جاعاسىن ۇستاتقان جارناما وسى. جاڭا تۇسىرىلگەن كينونىڭ ماقتاۋىن كەلتىرگەن رەسەيلىك رەجيسسەرلەر ارمەنيا استاناسى ەريەۆاندى دا، ءوز الدىنا بولەك بەلورۋس استاناسى مينسكىنى دە، ءتىپتى گرۋزيانىڭ تبيليسيىنە دەيىن ءوز جەرى دەپ كورسەتكەن.
قيالدان كارتا قۇراعان كينوگەرلەر، الماتىنى دا ءوز قالامىز دەپ اندەتىپ تۇر.
كينونىڭ جارناماسىن كورگەندە توبەمنەن تاس تۇسكەندەي بولدى. الماتىنى وتانىمىزدىڭ ءبىر بولشەگى دەپ وتتاپ تۇر. ال استانامىز ماسكەۋ دەيدى. مۇنى قالاي تۇسىنۋگە بولادى؟ مادەنيەت مينيسترلىگى قايدا قاراپ وتىر؟ ول كينونىڭ قازاقستاندا كورسەتىلۋىنە قارسىمىن. پروكاتتى توقتاتۋ قاجەت، دەيدى الماتى قالاسىنىڭ تۇرعىنى ولجاس بيبانوۆ.
ول ازداي، كينوگەرلەر شىمكەنت، جامبىل وبلىسىن دا سارى جولاقپەن سىزىپ الىپ، ءبىزدىڭ جەر دەيدى. ساياسات تانۋشىلار دا مۇنداي ساندىراققا جاۋاپتىڭ بارىنشا قاتقىل بولعانى دۇرىس دەپ وتىر.
ديپلوماتيالىق نوتا جولداپ، قالايدا كينو تۇسىرۋشىلەردى جاۋاپقا تارتقىزۋ قاجەت. سىرتقى ىستەر مينيسترلىگى بۇل رەتتە قاتالدىق تانىتقانى دۇرىس. ديپلوماتيالىق نوتا جولداپ، قالايدا كينو تۇسىرۋشىلەردى جاۋاپقا تارتقىزۋ قاجەت.
پروكاتقا شىعارۋشىلار دا ۇلكەن قاتەلىك جىبەرىپ قويعان. ەگەر بۇل ماسەلەگە ات ءۇستى قارايتىن بولساق، وندا ءوز تاۋەلسىزدىگىمىزدى سىيلاماعاندىعىمىز. ازاماتتىعىمىزعا سىن، دەيدى ساياساتتانۋشى دوسىم ساتبايەۆ.
تەك الماتىنى بوتەن جەردىڭ ءبىر بولشەگى دەپ كورسەتكەن كينوگەرلەرگە «ءاي دەيتىن اجە، قوي دەيتىن قوجا» بولماي تۇر. ءتىپتى، ءمۇيىزى قاراعايداي مادەنيەت مينيسترلىگى دە «پروكاتقا» تۇك قاتىسىمىز جوق دەپ جايباراقات وتىر.
ولاردى ءبىز باقىلاي المايمىز نەگىزى كينوپروكاتتى باقىلاۋ جاتپايدى بىزگە. وسىنداي سۇراق بولعان وسى ترەيلەرگە بايلانىستى. ولاردى ءبىز باقىلاي المايمىز، ءبىز قالاي باقىلايمىز؟، دەيدى مادەنيەت جانە سپورت مينيسترلىگى باسپا ءسوز قىزمەتكەرى سالتانات باقتىعالي قىزى.
ءتورت بىردەي تاۋەلسىز ەلدىڭ الىپ شاھارلارىن ءوز جەرى دەپ اتاپ كورسەتكەن رەسەي كينوسى 7-قاڭتاردان باستاپ كۇللى ت م د- دا كورسەتىلمەك. كومەديا جانرىنداعى فيلم ءبىزدىڭ ەلگە دە كەلىپ قويعان. كۇنى ءتۇنى تىنباستان كينوتەاترلاردا «ناشا ليۋبيمايا رودينا» دەپ جارناماسى ءجۇرىپ جاتىر.
