الەمدەگى ەڭ الىپ تاباندى ادام - كەسكىن

استانا. قازاقپارات - الەمدە تالاي قىزىق بار. دۇنيەجۇزىندەگى ەڭ الىپ تاباندى ادام ۆەنەسۋەلادا تۇرادى.

20 جاستاعى جىگىت گيننەستىڭ بيىلعى رەكوردتار كىتابىنا ەندى. بۇل - ۆەنەسۋەلالىق 20 جاستاعى دجەيسون رودريگەز. جەر بەتىندەگى 7 ميلليارد ادامنىڭ ىشىندە وسى جىگىتتىڭ تابانى تاباقتاي.

ونىڭ وڭ جاق تابانىنىڭ ۇزىندىعى 40 سانتيمەتردەن اسسا، سول جاعى ءسال عانا قىسقا. ءبىراق ەرەكشە اياققا يە بولۋدىڭ ازابىن تەك رودريگەز عانا بىلەدى.

دجەيسون رودريگەز، گيننەستىڭ رەكوردتار كىتابىنا ەنگەن ادام:

- مەكتەپتە مەنى مازاقتاپ، نامىسىما تيەتىن. ءتىپتى مەنى سوققىنىڭ استىنا الاتىن. نەگىزى ساباعىمدى ءسۇيىپ وقىدىم. سىنىپقا بارعاندا قاسىمدا انامنىڭ قالعانىن قالادىم. سەبەبى باسقالار ءۇزىلىس كەزىندە مەنى ويىنشىققا اينالدىراتىن.

وسىلاي ازاپ شەگىپ جۇرگەندە رودريگەز گەرمانياداعى اياق كيىم تىگەتىن اتاقتى شەبەر گەورگ ۆەسسەلستىڭ كوزىنە تۇسەدى. ۆەنەسۋەلادا ساياحاتتاپ جۇرگەن نەمىس ازاماتى الىپ تاباندى جىگىتتى گيننەستىڭ رەكوردتار كىتابىنا ۇسىنىپتى.

دجەيسون رودريگەز، گيننەستىڭ رەكوردتار كىتابىنا ەنگەن ادام:

- 14 جاسىمنان باستاپ مەنىڭ اياق كيىمىمدى شالبارىمنىڭ ماتەريالدارىنان تىگەتىن بولدى. بۇل ءىس 3 اپتاعا دەيىن سوزىلادى. وسى ۋاقىت ىشىندە جالاڭ اياق جۇرۋگە ءماجبۇرمىن. باسقا ادامدارعا قاراپ «كولەمى ءبىرقالىپتى اياق كيىم كيىپ، الاڭسىز جۇرسەم عوي» دەپ قىزىعاتىنمىن.

ءتورت بالانىڭ كەنجەسى رودريگەز 10 جاسقا دەيىن ەلدەن بۇلاي بولەكتەنبەگەن. كەيىن باسى قاتتى اۋىرا باستاعان سوڭ اتا-اناسى ونى دارىگەرگە كورسەتىپتى.

اماليا دە رودريگەز، دجەيسون رودريگەزدىڭ اناسى:

- دارىگەرلەر دجەيسوندى قاراپ، وندا اسا بەلسەندى گيپوفيز بارىن انىقتادى. بارىمىزدە دە بەز بار. ءبىراق ول دجەيسوندا ەرتە پايدا بولىپ، تەز دامىدى. گيپوفيز - باس ميىنىڭ ىشىندەگى ۇستەمە ۇسىندى. ول ءوسۋ گورمونىن بولەدى. وسى ۇدەرىس رودريگەزدە شەكتەن تىس دامىپ كەتكەن. ول ءبىلىمىن تەرەڭدەتىپ، كۇيزەلىسكە تاپ بولعان ادامدارعا قول ۇشىن بەرگىسى كەلەدى. سۇيسىنبەسكە شارا جوق. سەبەبى الىپ ادامنىڭ ارمانى دا وسىنداي ۇلكەن بولۋى كەرەك قوي.

24.kz