11:02, 20 - قازان 2015 | GMT +5
عالىمدار جاساندى قابىلەت ويلاپ تاپتى
استانا. قازاقپارات - ماسساچۋسەت تەحنولوگيالىق ينستيتۋتىنىڭ عالىمدارى ادام تۇيسىگىنەن باسىم تۇسەتىن جاساندى ينتەللەكت ويلاپ تاپتى.
«ءبىزدىڭ قۇرىلعى ادامدى اۋىستىرۋ ءۇشىن ەمەس، كەرىسىنشە، ونىڭ پاراساتىن تولىقتىرۋ ءۇشىن جاسالدى. مىسالى، ونى عالىمداردا كوپ جيناقتالىپ قالعان دەرەكتەردى وڭدەۋ ءۇشىن پايدالانۋعا بولادى»، - دەدى جاساندى قۇرىلعىنى ازىرلەۋشىلەردىڭ ءبىرى ماكس كانتەر.
مامانداردىڭ ايتۋىنشا، عالىمداردىڭ ءبىر اي ۋاقىت جۇمسايتىن اقپاراتىن وسى جۇيە ارقىلى 8-12 ساعاتتا تالداپ شىعۋعا بولادى.
مۇنداي جۇيە الداعى ۋاقىتتا ماماندارعا تاجىريبە قورىتىندىلارى مەن ەكونوميكالىق بولجامداردىڭ ەڭ ماڭىزدى وزگەرىستەرىن تاڭداۋعا جاردەمدەسەدى. سونداي- اق عالىمداردى بارىنشا قىزىقتى زەرتتەۋ جۇرگىزۋگە باعىتتايدى، دەپ جازادى شەتەلدىك ب ا ق.
