مەملەكەت باسشىسى قىزىلوردادا احۋالدىق ورتالىق قىزمەتىمەن تانىستى
ورتالىق قىزمەتى 2014-جىلدىڭ ماۋسىم ايىنان باستاپ جۇزەگە اسىرىلۋدا. جوبانىڭ ماقساتى - قىزىلوردا وبلىسى اكىمدىگى قىزمەتىنىڭ تيىمدىلىگىن زاماناۋي اقپاراتتىق-كوممۋنيكاتسيالىق تەحنولوگيالار ارقىلى ارتتىرۋ. اتاپ ايتقاندا، احۋالدىق ورتالىق ماكروەكونوميكالىق كورسەتكىشتەردى بولجامداۋ، الەۋمەتتىك-ەكونوميكالىق دامۋ بارىسىن مونيتورينگتەۋ، تالداۋ جانە بولجاۋ، قاۋىپسىزدىكتى باعالاۋ جانە ەكونوميكا، قارجى، دەموگرافيا، ونەركاسىپ، اقپارات جانە باسقا دا سالالارداعى تاۋەكەلدەردى باسقارۋ، قوعامدىق-ساياسي احۋالدى تالداۋ جۇمىستارىمەن اينالىسادى. سونداي-اق بۇل ورتالىق شەشىمدەردى ورىنداۋشىعا جەتكىزىپ، ونىڭ ورىندالۋ بارىسىن دا قاداعالايدى.
احۋالدىق ورتالىقتا ارنايى ازىرلەنگەن باعدارلاما بويىنشا وقىعان تەحنيكالىق ماماندار مەن ساراپشىلاردان قۇرالعان 21 ادام جۇمىس ىستەيدى.
