17:57, 19 - قازان 2015 | GMT +5
ن. نازاربايەۆ قىزىلوردا قالاسىندا الەۋمەتتىك تۇرعىن ۇيلەر قۇرىلىسىنىڭ بارىسىمەن تانىستى
استانا. قازاقپارات - ەلباسى نۇرسۇلتان نازاربايەۆ قىزىلوردا قالاسىنداعى «اراي-2» شاعىن اۋدانىنداعى الەۋمەتتىك تۇرعىن ۇيلەر قۇرىلىسىن كوردى، دەپ حابارلايدى اقوردانىڭ باسپا ءسوز قىزمەتىنەن.
مەملەكەت باسشىسىنا قالاداعى تۇرعىن ءۇي قۇرىلىسىنىڭ بارىسى مەن جۇرگىزىلىپ جاتقان ينجەنەرلىك- كوممۋنيكاتسيالىق ينفراقۇرىلىم تانىستىرىلدى.
نۇرسۇلتان نازاربايەۆ جاڭا باسپاناعا قونىستانعان تۇرعىندارمەن كەزدەسىپ، اڭگىمەلەستى جانە قونىس تويمەن قۇتتىقتادى. سونداي- اق جاس وتباسى يەسى ش. دەمەستىڭ جاڭا پاتەرىندە بولىپ، داستارحانىنان ءدام تاتتى. قونىس توي يەلەرىنىڭ ەكەۋى دە ءبىلىم سالاسىنىڭ قىزمەتكەرلەرى. وتباسىندا ەكى بالا تاربيەلەپ وتىر.
ەلباسى قازىرگى كەزدەگى كۇردەلى ەكونوميكالىق احۋالعا قاراماستان ازاماتتاردىڭ تۇرمىس دەڭگەيى مەن ءال- اۋقاتىن ارتتىرۋ ءۇشىن مەملەكەت بارلىق قاجەتتى جاعدايدى جاساي بەرەتىنىن ايتتى.
«اراي-2» شاعىن اۋدانىندا «وڭىرلەردى دامىتۋ-2020» باعدارلاماسى اياسىندا جالپى اۋدانى 33,5 مىڭ شارشى مەترلىك بارلىعى 10 ءۇي سالىنۋدا.
