لەمەنىڭ باپكەرى تورەشىنىڭ بىلىكسىزدىگىن ايتىپ، شاعىمداندى
بەسىنشى راۋندتا لەمە بۇيرەگىنە سوققى جىبەرىپ الادى، بۇدان كەيىن ول تىزەرلەپ وتىرادى. سول ۋاقىتتا گولوۆكين قارسىلاسىنىڭ جاعىنان سوققى جاسايدى. وسى ساتكە بايلانىستى 1997 -جىلى وسىعان ۇقساس وقيعادان ديسكۆاليفيكاتسيا الىپ قالعان روي دجونس HBO تەلەارناسىندا كەزدەسۋدە كوممەنتاتور بولىپ وتىرعان كەزىندە اتاپ وتكەن ەدى.
«رەفەري شىن مانىندە بۇل سوققىعا نازار اۋدارمادى. مەنىڭشە، بۇل سوققىنى ءبارى كوردى. سوققى لەمە تىزەرلەگەن كەزدە جاسالدى جانە رەفەري ەسكەرتۋ دە ايتقان جوق. سوققىسى جاعىنا ءتيدى»، - دەپ كەلتىرەدى باپكەردىڭ ءسوزىن BoxingScene.com.
«وسى ۋاقىتتان باستاپ مەن داۆيدتەن باستاپقى ەنەرگيانى سەزبەدىم. بۇل كەزدەسۋدە داۆيد جەڭەدى دەپ ويلاماعان ەدىم. گولوۆكين جەڭىسكە لايىقتى تۇردە جەتتى، ءبىراق تورەشى بۇل ءساتتى نازاردان تىس قالدىردى. بۇل بىلىكسىزدىك جانە وتە قاۋىپتى. بۇل تورەشىمەن بولىپ وتىرعان ەكىنشى پروبلەمامىز. گابريەل روسادوعا قارسى جەكپە-جەكتە داۆيدتىڭ جەلكەسىنە برەيكتەن كەيىن سوققى جاسالدى، بۇدان كەيىن دە ەشتەڭە بولمادى»، - دەيدى رەمزي.
ەسكە سالايىق، گولوۆكين - لەمە جەكپە-جەگى 18 قازاندا تاڭعى ۋاقىتتا نيۋ-يوركتە ءوتتى. قازاقستاندىق بوكسشى قارسىلاسىن سەگىزىنشى راۋندتا نوكاۋتقا ءتۇسىردى. وسىلايشا گولوۆكين لەمەدەن IBF تيتۋلىن تارتىپ الدى. بۇل - 33 جاستاعى قازاقستاندىقتىڭ 34- جەڭىسى. وسىلايشا قازاقستاندىق بوكسشى بارلىق تيتۋلىن ساقتاپ قالدى جانە قارسىلاسىنىڭ IBF تيتۋلىن الدى.
Tengrinews.kz
