قازاقستانداعى العاشقى ۋلترادىبىستىق اپپارات قاراعاندىداعى كەڭەس بەرۋ دياگنوستيكالىق ورتالىعىندا ىسكە قوسىلدى

استانا. قازاقپارات - قازاقستاندا العاش رەت پايدا بولعان ۋلترادىبىستىق اپپارات ادام اعزاسىنا كەشەندى زەرتتەۋ جۇرگىزىپ، قاتەرلى ىسىك جانە سوزىلمالى اۋرۋ تۇرلەرىن ەرتە ساتىدان انىقتاۋعا مۇمكىندىك بەرەدى،

 دەپ جازادى khabar.kz.

قۇنى 50 ميلليون تەڭگەلىك بۇل جابدىق قاراعاندى مەديتسينالىق ۋنيۆەرسيتەتى جانىنان اشىلعان دياگنوستيكالىق ورتالىقتا جۇمىس ىستەپ تۇر.    مەكەمەنىڭ اشىلعانىنا 1 جىل تولماسا دا بۇگىندە 10 مىڭنان استام ادام قابىلداپ ۇلگەردى. ورتالىقتى زامان تالابىنا ساي جابدىقتاۋ ءۇشىن جالپى 300 ميلليون تەڭگە قاراجات بولىنگەن.

«بۇل قۇرىلعى ءتۇرلى پاتولوگيالاردى انىقتايدى. باستى نازاردى ءقازىر قاتەرلى ىسىك اۋرۋلارىنا ءبولىپ وتىرمىز. قاتەرلى ىسىك پاتولوگيالارىن تەز انىقتاۋ مۇمكىندىگى پايدا بولدى. ەرتە ساتىدا جاسالعان دياگنوستيكا اۋرۋدىڭ بەتىن ەرتە قايتارۋ مۇمكىندىگىن بەرەدى»، - دەيدى ق م م ۋ پرورەكتورى باقىت كوشەروۆا.