تۇركيادا قورقىت اتا شىعارماشىلىعىنىڭ تاريحىنا ارنالعان حالىقارالىق كونفەرەنتسيا ءوتتى
دەپ حابارلادى تۇركياداعى قازاقستان ەلشىلىگى.
ءىس- شارانى تۇركيانىڭ ستراتەگيالىق زەرتتەۋلەر ورتالىعى (YTSAM)، ءداستۇرلى مۋزىكالىق مادەنيەتتى زەرتتەۋ مەن قولدانۋ ورتالىعى (HـGEM) حاجەتتەپە تۇرىك ۋنيۆەرسيتەتىمەن بىرلەسىپ ۇيىمداستىردى. كونفەرەنسيا الەمدىك عىلىم نەگىزگە الاتىن «قورقىت اتا كىتابىنىڭ» درەزدەن ءتىزىمى تابىلۋىنىڭ 200 جىلدىعىنا ورايلاستىرىلدى.
كونفەرەنسياعا ۇلى جىراۋدىڭ شىعارماشىلىعىنا قىزىعۋشىلىق تانىتاتىن الەمنىڭ ءتۇرلى ەلدەرىنىڭ وكىلدەرى قاتىستى.
تۇركى الەمى، ەۋروپالىق جانە ازيالىق وڭىرلەردىڭ بەلگىلى عالىم- تۇركىتانۋشىلارى، الدىڭعى قاتارلى ەتنولوگتار مەن ەتنوگرافتارى ۇلى تۇلعانىڭ شىعارماشىلىعى بويىنشا ءوز زەرتتەۋلەرىنىڭ ناتيجەلەرىمەن ءبولىستى.
كونفەرەنسيا اياسىندا قورقىت اتا زامانىنداعى كەزەڭمەن بايلانىسى بار كونە تۇركى مۇرالارى، سونىمەن قاتار داستاندارى مەن جىرلارىنىڭ تاريحي اقيقاتىن جەتكىزۋ ماسەلەلەرىن تالقىلاندى. وعان قوسا، قاتىسۋشىلار تۇركىتىلدەس حالىقتاردىڭ ورتاق مادەنيەتى بويىنشا ءوز پىكىرلەرىمەن الماستى.
كونفەرەنتسيا ءۇش كۇن بويى وتكىزىلدى. گەرمانيا وكىلدەرى تۇركى اعارتۋشىسىنىڭ شىعارماشىلىعىنا، جىرلارى ويىنىڭ تەرەڭدىگىنە، سونىمەن قاتار پەداگوگيكاسىنا جوعارى باعا بەردى. ولار قازىرگى تاڭدا قورقىت اتا شىعارماشىلىعىن نەمىس تىلىندە باسىپ شىعارۋ جوسپارلانىپ وتىرعانىن ايتتى.
شاراعا قازاقستان اتىنان قازاقستاندىق تۇركى تانۋشىلارىنىڭ ىشىندەگى كوشباسشىلارىنىڭ ءبىرى شاكىر ىبىرايەۆ قاتىستى. ءوز سوزىندە ش. ىبىرايەۆ قورقىت اتا جىرلارىنىڭ كونە زاماندا قازىرگى قازاقستاننىڭ جەرىن مەكەندەگەن حالىقتاردىڭ داستانداردى ورىنداۋ مانەرىمەن سايكەستىگىن اتاپ ءوتتى.
قازاقستان دەلەگاتسياسىن ق ر- نىڭ ت ر- داعى ەلشىسى ج. تۇيمەبايەۆ تا قابىلدادى. كەزدەسۋ بارىسىندا قازاقستان مەن تۇركيانىڭ مادەني- گۋمانيتارلىق ىنتىماقتاستىعىنىڭ جان- جاقتى ماسەلەلەرى تالقىلاندى.
قورقىت اتا ‒ سىرداريا وزەنىنىڭ بويىنداعى دالادان شىققان اتى اڭىزعا اينالعان Ⅸ عاسىرداعى تۇركى جىراۋى مەن كومپوزيتورى. قوبىزدى جاساعان ادام، اقىن، جىراۋ، سونىمەن قاتار اقىندار مەن مۋزىكانتتاردىڭ قورعاۋشىسى بولىپ تابىلادى. قورقىت تۋرالى دەرەكتەر تۇركى حالىقتارىنىڭ قىپشاق (قازاق پەن قاراقالپاق) جانە وڭتۇستىك وعىز (تۇرىكمەن، ازەربايجان جانە تۇرىك) تارماعىندا كەزدەسەدى. «وعىزناما» داستانى ولاردىڭ بارىنە دە ورتاق.
