جىل سايىنعى «جاس ۇلان» اسكەري اندەر فەستيۆالى وتۋدە - فوتو

استانا. قازاقپارات - قازاقستان رەسپۋبليكاسىنىڭ قارۋلى كۇشتەرىندە اسكەرلەردە تانىمال جانە جۇرەكتەن ورىن تاپقان جىل سايىنعى «جاس ۇلان» اسكەري اندەر فەستيۆالى ءوتىپ جاتىر،

  دەپ جازادى khabar.kz.

 فەستيۆالدىڭ گالا- كونسەرتى اعىمداعى جىلدىڭ قازان ايىنىڭ سوڭىندا وتەدى. فەستيۆال قاتىسۋشىلارى ءۇش اتالىم بويىنشا باق سىنايدى. ولار: «ۆوكاليست ورىنداۋشىلار»، «فولكلورلىق ورىنداۋشىلار»، «ۆوكالدىق- اسپاپتىق انسامبلدەر مەن ورىنداۋشىلار». جەڭىمپازدارعا فەستيۆالدىڭ باعالى جۇلدەلەرى، ديپلومدار مەن گران- پري تابىستالادى.

شەشۋشى گالا- كونسەرتتە فەستيۆالدىڭ لاۋرەاتتارى مەن قۇرمەتتى قوناقتار ونەرلەرىن پاش ەتەدى. جىل سايىن فەستيۆال 4-اينالىمدا وتكىزىلەدى: 1-اينالىم - روتا- باتالون بۋىنىندا، Ⅱاينالىم - باتالون- بريگادا بۋىنىندا، Ⅲاينالىم - ق ر  ق ك وڭىرلىك قولباسشىلىقتارىندا، اسكەر تەكتەرى مەن تۇرلەرىندە وتەدى.

بايقاۋ شارتتارى مىنالار: اسكەري تاقىرىپتاعى، قازاقستاندىق سازگەرلەردىڭ نەمەسە ورىنداۋشىلاردىڭ شىعارماسىن، جەكە (اۆتورلىق) مۋزىكالىق شىعارمالاردى، فولكلورلىق جانرداعى تۋىندىنى ورىنداۋ.

«جاس ۇلان» اسكەري اندەر فەستيۆالى 1997 - جىلدان باستاپ وتكىزىلىپ كەلەدى.