قازاقستاندا ە ا ە و كوشباسشىلارى دامۋدىڭ جاڭا پەرسپەكتيۆالارىن بەلگىلەدى - فوتو
بۇل تۋرالى اقوردانىڭ باسپا ءسوز قىزمەتى حابارلايدى.
ءىس- شاراعا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، ارمەنيا رەسپۋبليكاسىنىڭ پرەزيدەنتى س. سارگسيان، بەلارۋس رەسپۋبليكاسىنىڭ پرەزيدەنتى ا. لۋكاشەنكو، قىرعىز رەسپۋبليكاسىنىڭ پرەزيدەنتى ا. اتامبايەۆ، رەسەي فەدەراتسياسىنىڭ پرەزيدەنتى ۆ. پۋتين قاتىستى.
وتىرىستى اشقان نۇرسۇلتان نازاربايەۆ كەلىسسوزدەردىڭ جەمىستى بولعانىن، سونداي-اق قول قويىلعان قۇجاتتاردىڭ ماڭىزدىلىعىن اتاپ ءوتتى.
شارا بارىسىندا تاراپتار ەاەو جۇمىسىنىڭ قورىتىندىسىن شىعارىپ، دامۋدىڭ جاڭا پەرسپەكتيۆالارىن بەلگىلەدى. وداق قىزمەتىنىڭ ماسەلەلەرى تالقىلاندى، سونىڭ ىشىندە ەۋرازيالىق ەكونوميكالىق كوميسسيا القاسى قۇرامىنىڭ سانى بەكىتىلىپ، ونىڭ جۇمىس كەستەسىنە وزگەرىس ەنگىزىلدى. سونىمەن بىرگە ەەك- ءتىڭ كەلەسى جىلعى باسشىسىنىڭ كانديداتۋراسى كەلىسىلدى. جاڭا مۇشەلەر قابىلداۋ جانە ە ا ە و- داعى مۇشەلىكتى دوعارۋ ءتارتىبى قابىلداندى.
وتىرىسقا قاتىسۋشىلار ەاەو مەن «جىبەك جولى ەكونوميكالىق بەلدەۋى» جۇمىسىن ۇيلەستىرۋ جونىندەگى ءىس- قيمىلدارعا ارنايى توقتالدى.
مەملەكەتتەر باسشىلارى وداقتىڭ ءۇشىنشى ەلدەرمەن جانە حالىقارالىق ۇيىمدارمەن ءوزارا ءىس- قيمىل ءتارتىبىن تالقىلادى. ماسەلەن، يزرايلمەن ەركىن ساۋدا ايماعى تۋرالى كەلىسىم جاساۋعا قاتىستى كەلىسسوزدەردى باستاۋ تۋرالى شەشىم قابىلداندى.
ەلىمىزدىڭ د س ۇ- عا كىرۋىنە بايلانىستى نەگىزگى جايتتار قازاقستان تاراپىنىڭ باستاماسىمەن قاراستىرىلدى.
سونىمەن قاتار قىزمەت كورسەتۋ سەكتورلارىنىڭ تىزبەسى بەكىتىلدى، وسىعان وراي ە ا ە و اياسىندا قىزمەت كورسەتۋدىڭ ءبىرىڭعاي نارىعىن قالىپتاستىرۋ ىرىقتاندىرۋ جوسپارىنا سايكەس جۇرگىزىلەتىن بولادى.
سوڭىندا شاراعا قاتىسۋشىلار كۇن ءتارتىبى مازمۇندى، اتقارىلعان جۇمىس ءتيىمدى بولعانىن اتاپ ءوتتى.
كەڭەستىڭ كەلەسى جوسپارلى وتىرىسى بيىلعى جەلتوقساندا ماسكەۋدە وتەدى.
