قازاقستان ت م د- داعى ءتوراعالىعىن قىرعىز ەلىنە تابىستايدى

بۋراباي. قازاقپارات - بۇگىن اقمولا وبلىسىنا قاراستى بۋراباي كەنتىندە وتكەن تاۋەلسىز مەملەكەتتەر دوستاستىعى مەملەكەت باسشىلارى كەڭەسىنىڭ كەڭەيتىلگەن وتىرىسىندا ق ر پرەزيدەنتى نۇرسۇلتان نازاربايەۆ ەلىمىزدىڭ بۇل ۇيىمعا ءتوراعالىعى اياقتالاتىندىعىن مالىمدەدى، دەپ حابارلايدى قازاقپارات ءتىلشىسى.

«تاۋەلسىز مەملەكەتتەر دوستاستىعىنا قازاقستاننىڭ ءتوراعالىعى اياقتالادى. شىندىعىن ايتايىن، بىزدەرگە ەكونوميكالىق تۇرعىدا وتە قيىن كەزەڭ ءدوپ ءتۇستى. ءبىراق، ءبىز ءوز ميسسيامىزدى ورىنداۋعا تىرىستىق. دوستاستىق اياسىندا جوسپارلانعان بارلىق شارا وتكىزىلدى»، - دەدى ق ر پرەزيدەنتى.

ق ر پرەزيدەنتىنىڭ اتاپ وتۋىنشە، تاياۋ كۇندەرى ەلوردادا ت م د مەملەكەتتەرىنىڭ شىعارماشىلىق جانە عىلىمي زيالىلارىنىڭ 10- مەرەيتويلىق فورۋمى، سونىمەن قاتار دۋشانبەدە ت م د ۇكىمەت باسشىلارى كەڭەسىنىڭ وتىرىسى وتكىزىلەدى. «بۇل شارالارمەن ءبىز ءوز ءتوراعالىعىمىزدى اياقتايمىز. وسى ءساتتى پايدالانىپ، دوستاستىقتاعى بارلىق سەرىكتەستەرىمىزگە تۇسىنىستىكتەرى ءۇشىن، ت م د- داعى ءبىزدىڭ ءتوراعالىعىمىزعا قولداۋ بىلدىرگەنى ءۇشىن العىسىمدى ايتقىم كەلەدى»، - دەدى ن. نازاربايەۆ.

ايتا كەتەيىك، ت م د- عا ءتوراعالىق قازاقستاننان قىرعىزستانعا اۋىسادى. ال مەملەكەت باسشىلارى كەڭەسىنىڭ كەلەسى وتىرىسى 2016-جىلدىڭ 16- قىركۇيەگىندە قىرعىز ەلىندە وتەتىن بولادى.

اۆتور: مارلان جيەمباي