عالىمدار دينوزاۆرلاردىڭ جەر بەتىنەن جويىلۋىنىڭ جاڭا سەبەبىن انىقتادى

استانا. قازاقپارات - «بۇرىن جەردە ءومىر سۇرگەن بيولوگيالىق اعزالاردىڭ كوبى قازىرگى تابيعي جاعدايدا جەردە ءومىر سۇرە الماس ەدى»، - دەپ ت ا س س اگەنتتىگىنە گيپوتەزا اۆتورلارىنىڭ ءبىرى، ر ع ا ق ش ب تەڭىز بيولوگياسى ينستيتۋتىنىڭ باس عىلىمي قىزمەتكەرى اناتولي دروزدوۆ مالىمدەدى.

عالىم پالەونتولوگيالىق فاكتىلەردى ءتۇسىندىرۋ ءۇشىن دينوزاۆرلاردىڭ قىرىلۋ سەبەبى تۋرالى ءوز گيپوتەزاسىن ۇسىندى. 150 ميلليون جىلدا قۇرلىقتا مەكەندەگەن 11 ءىرى جانۋار ەۆوليۋتسياسى تۋرالى پالەونتولوگيالىق مالىمەتتەردى ساراپتاعان ولار الىپ دينوزاۆرلار جەردىڭ تارتىلىس كۇشى الدەقايدا از بولعان كەزدە ءومىر سۇرگەنىن انىقتادى. 150 ميلليون جىلدا جەر تارتىلىسى 2,079 ەسەگە ۇلعايدى.

عالىمداردىڭ پىكىرىنشە، مۇنداي وزگەرىستەرگە شاعىن مەتەوريتتەر مەن عارىش توزاڭى ءتۇسۋى سالدارىنان جەر سالماعىنىڭ ارتۋى سەبەپ بولعان. «بۇل ءۇردىس كۇن جۇيەسى جۇلدىزارالىق عارىش شاڭىنىڭ تىعىز بۇلتىنا 150-200 ميلليون جىل بۇرىن كەز بولۋى سالدارىنان بولۋى مۇمكىن. ءۇردىس بىرتىندەپ، ونداعان ميلليون جىل قاتارىنان جۇزەگە اسقان. الايدا 60-100 ميلليون جىل بۇرىن ۇدەي ءتۇسىپ، اۋىرلىق كۇشىنىڭ وزگەرۋىنە جانە الىپ جانۋارلاردىڭ قىرىلۋىنا اكەلدى»، - دەدى اناتولي دروزدوۆ.