تارازدا ۆەلوسيپەدپەن ايەلدى قاعىپ ولتىرگەن قىزعا جازا كەسىلدى

استانا. قازاقپارات - تارازدا ۆەلوسيپەدپەن ايەلدى قاعىپ ولتىرگەن قىزعا جازا كەسىلدى، - دەپ حابارلايدى قالالىق №2 سوتىنىڭ باسپا ءسوز قىزمەتى.

ەسكە سالا كەتەيىك، وقيعا 6 -ماۋسىم كۇنى بولدى. 19 جاستاعى قىز قۇربىلارىمەن بىرگە قالانىڭ ورتالىق كوشەلەرىندە ۆەلوسيپەد تەۋىپ جۇرگەن. كەيىن قىزدار ورتالىق ستاديون جاققا بارۋدى ۇيعارىپتى. «قىز قۇربىلارىنان وزىپ كەتىپ، جاياۋ جۇرگىنشىلەرگە ارنالعان جولاعىنا ۆەلوسيپەدىن ايداپ شىعىپ، بالالى ايەلدى قاعىپ كەتكەن، العان جاراقاتىنان ايەل ادام ەسىن جيماستان قالالىق اۋرۋحانادا قايتىس بولدى»، - دەدى سوتتاعىلار.

سوت ۇكىمىمەن قىز قازاقستان رەسپۋبليكاسى قىلمىستىق كودەكسىنىڭ 104-بابىنىڭ 1-بولىگىمەن («ابايسىزدا قازاعا ۇشىراتۋ») كىنالى دەپ تانىلىپ، وعان 3 جىلعا باس بوستاندىعىن شەكتەۋ جازاسى تاعايىندالعان جانە ناق سول مەرزىمگە پروباتسيالىق باقىلاۋ بەلگىلەنگەن. ۇكىم زاڭدى كۇشىنە ەنگەن جوق.

Tengrinews.kz