قازاقستان اۋماعىنىڭ باسىم بولىگىندە جاۋىن-شاشىندى بولىپ، جەل كۇشەيەدى، تۇمان تۇسەدى

استانا. قازاقپارات - قازاقستان اۋماعىنىڭ باسىم بولىگىندە اتموسفەرالىق فرونتالدىق اعىنداردىڭ وتۋىمەن بۇرىنعىشا جاۋىن-شاشىن (كوبىنە جاڭبىر) جاۋىپ، جەل كۇشەيەدى. تۇمان تۇسەدى، رەسپۋبليكانىڭ سولتۇستىك-باتىسىندا كوكتايعاق بولادى، ەلدىڭ باتىسى مەن وڭتۇستىگىندە عانا كۇن رايىنىڭ اشىق بولۋى كۇتىلەدى، دەپ حابارلادى توتەنشە جاعدايلار كوميتەتى «قازگيدرومەتكە» سىلتەمە جاساپ.

اقمولا، سولتۇستىك قازاقستان، پاۆلودار، شىعىس قازاقستان، تۇندە جانە تاڭەرتەڭ وڭتۇستىك قازاقستان، كۇندىز ماڭعىستاۋ وبلىستارىندا كەي جەرلەردە جەلدىڭ ەكپىنى 15-20 م/س- قا جەتەدى، وڭتۇستىك قازاقستان، سولتۇستىك قازاقستان، شىعىس قازاقستان وبلىستارىندا كەي جەرلەردە تۇمان تۇسەدى.

قوستاناي وبلىسىندا تۇندە جانە تاڭەرتەڭ كەي جەرلەردە تۇمان تۇسەدى، شامالى كوكتايعاق بولادى.

جامبىل، تۇندە جانە تاڭەرتەڭ قاراعاندى وبلىستارىندا كەي جەرلەردە تۇمان تۇسەدى.

قىزىلوردا، وڭتۇستىك قازاقستان، جامبىل، باتىس قازاقستان، اقتوبە، قاراعاندى، قوستاناي وبلىستارىنىڭ كەي جەرلەرىندە جوعارى ءورت قاۋپى ساقتالادى.