الەم ەلدەرىنىڭ سۋرەتشىلەرى يسلام مادەنيەتىن بەينەلەگەن تۋىندىلارىن كوپشىلىككە ۇسىنادى

استانا. قازاقپارات - قازان ايىندا دۋبايدا «احلان ارت» لوندوندىق گالەرەياسىنىڭ ەكسپوزيتسياسى اشىلادى، وعان ب ا ءا ەلدەرىنە كەلگەن ءتۇرلى ەلدەردىڭ سۋرەتشىلەرىنىڭ يسلام مادەنيەتىن بەينەلەگەن 35 ەڭبەگى قويىلادى.

«يسلام رۋحى» اتتى كورمەگە ازيا، افريكا، ۇلى بريتانيا جانە تاياۋ شىعىس ەلدەرىنىڭ قىلقالام شەبەرلەرى قاتىسادى، دەپ حابارلايدى The National. ولار ءوز تۋىندىلارى ارقىلى قاسيەتتى قۇران مەن قاجىلىقتىڭ ءمان-ماڭىزىن اشىپ كورسەتۋگە ۇمتىلادى.

قازان ايىنىڭ ەكىنشى اپتاسىندا باستالىپ، 18- قازاندا اياقتالاتىن كورمەدەگى باستى باعالى تۋىندىلار الەمدىك داڭققا يە يسلام الەمىنىڭ سۋرەتشىلەرى سيدديكا دجۋما (Siddiqa Juma) مەن پيتەر گۋلدتىڭ (Peter Gould) ونەرلەرى بولماق. كورەرمەندەر كورمە بارىسىندا سۋرەتشىلەرمەن كەزدەسۋ مۇمكىندىگىنە يە بولادى.