مۇسىلمان عالىمى نوبەل سىيلىعىنىڭ يەگەرى بولدى - فوتو
ول ءوزىنىڭ جۇلدەسىنە بىرىگە جۇمىس اتقارعان شۆەد عالىمى توماس ليندال مەن امەريكاندىق پول مودريچپەن بىرگە ۇسىنىلىپ وتىر.
ولار ءبىر- بىرىنە تاۋەلسىز جاعدايدا ويلاپ تاپقان جاڭالىقتارىن ءتۇسىندىرىپ، جاسۋشالاردىڭ ءوز د ن ق- ىن «ەمدەپ» ، گەنەتيكالىق اقپاراتتاردى زاقىمدالۋدان ساقتايتىنىن كورسەتىپ بەردى.
«مەنەن ۇنەمى وسى سىيلىقتى قاشان الاسىڭ دەپ سۇراي بەرۋشى ەدى. مەن ەلىمنىڭ ءۇمىتىن اقتاعانىما قۋانىشتىمىن» ، - دەيدى ساندجار ءوزىنىڭ سۇحباتىندا.
1946-جىلى دۇنيەگە كەلگەن ول ىستامبۇل شاھارىندا ءبىلىم العان سوڭ بىرنەشە اۋىل دارىگەرى بولىپ قىزمەت اتقارعان. 1973-جىلدان باستاپ، بيوحيميا سالاسىنا قىزىعۋشىلىق تانىتا باستايدى. ول ۋلترافيولەتتىڭ قاۋىپتى مولشەرىن العان باكتەريانىڭ كوك ءتۇستى جارىق استىندا وتە جىلدام قالپىنا كەلەتىنىن كورىپ، زەرتتەۋ جۇمىستارىن جۇرگىزە باستاعان.
ازيز ساندجار - نوبەل سىيلىعىنىڭ جۇلدەگەرى اتانعان ەكىنشى تۇرىك ازاماتى. 2006-جىلى تۇرىك جازۋشىسى ورحان پامۋككە ادەبيەت سالاسىنداعى جەتىستىگى ءۇشىن نوبەل سىيلىعى بەرىلگەن بولاتىن.
