الماتىدا ءتورت جۇك كولىگىمەن قىتايدان كونتراباندالىق تاۋار اكەلگەندەر ۇستالدى
بۇل تۋرالى بۇگىن الماتى قالاسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتىنەن حابارلادى.
الماتى قالاسى بويىنشا مەملەكەتتىك كىرىستەر دەپارتامەنتىنىڭ قىزمەتكەرلەرى قىتايدان الماتىعا ءتورت جۇك كولىگىمەن زاڭسىز تاۋار الىپ كەلگەن ازاماتتاردى ۇستادى. سول كولىكتەردىڭ بىرىنەن پوليەتيلەندىك قاپشىقتاردىڭ ورنىنا حالىق تۇتىناتىن تاۋارلار تابىلعان.
سونداي-اق، قىتايدان كەلگەن جۇك پويىزىنان وسى ازاماتتارعا تيەسىلى تاعى دا ماعلۇمدالماعان حالىق تۇتىناتىن (كۇرتە، دجينس، كويلەكتەر جانە. ت. ب) تاۋارلار تاركىلەندى.
الدىن الا دەرەكتەرگە سايكەس، تولەنبەگەن كەدەندىك تولەمدەر مەن سالىقتار بويىنشا مەملەكەتكە كەلتىرىلگەن زالالدىڭ جالپى سوماسى - 300 ميلليون تەڭگەنى قۇراعان.
قازىر وسى كونتراباندالىق تاۋارلار بويىنشا سوتقا دەيىنگى تەرگەۋ امالدارى ءجۇرىپ جاتىر.
ايتا كەتەلىك، جالعان ماعلۇمداۋ جانە كونتراباندالىق ارەكەتكە قاتىستى ق ر قىلمىستىق كودەكسى بويىنشا 500 ا ە ك (991000 تەڭگە) كولەمىندە ايىپپۇل سالۋ نەمەسە سول سوما كولەمىندە تۇزەلۋ جۇمىستارى نە بولماسا 300 ساعاتقا دەيىن قوعامدىق جۇمىستاردى ورىنداۋ نەمەسە مۇلكىن تاركىلەپ 90 كۇنگە دەيىن تۇتقىنداۋ جازاسى قاراستىرىلعان.
