شەتەلدەگى قانداستاردىڭ ماسەلەسىن شەشۋگە ارنالعان «اقپاراتتىق توپ» قۇرىلدى

  استانا. قازاقپارات - شەتەلدەگى قانداستارعا تارالاتىن قازاق ءتىلدى وقۋلىقتار مەن باسىلىمدار جەتكىلىكسىز. ياعني اقپارات الماسۋ دەڭگەيى ءماز ەمەس. وسى ماسەلە اياسىندا ەلىمىزدە «اقپاراتتىق توپ» قۇرىلدى. توپتىڭ قۇرامىندا 14 مەملەكەتتەگى قازاق دياسپوراسىنىڭ 20 شاقتى وكىلى بار.

  اقپارات الماسۋدى جاقسارتۋ ماقساتىندا وتكىزىلگەن جيىندا ءبىراز ۇسىنىستار تالقىعا ءتۇستى. شەتەلدەگى قازاقتارعا ءتىل وقىتۋ ورتالىقتارىن اشىپ، ءتىل ماماندارىن جىبەرسە دەيدى اقپاراتتىق توپ مۇشەلەرى. سونداي- اق، ولار وزگە ەلدە ءوسىپ كەلە جاتقان قازاق بالالارىن قازاقستانعا ءجيى اكەلۋدى ماقسات تۇتادى. ەلمەن بايلانىستى نىعايتۋدى كوزدەگەن قانداس باۋىرلار 10 - قازانعا دەيىن قازاقستاننىڭ  قىزىلوردا، تۇركىستان، كەنتاۋ، تاراز قالالارىن ارالاۋدى جوسپارلاپ وتىر.

31.kz