بۇگىن «ۇلى دالا ەلى» ەكسپەديتسياسى جامبىل وبلىسىندا قازاق حاندىعى قۇرىلعان تاريحي جەرلەرگە باردى
جامبىل وبلىسىندا ەكسپەديتسيا مويىنقۇم اۋدانىندا بولدى. وندا قازاق حاندىعىنىڭ قۇرىلۋىمەن تىعىز بايلانىستى تاريحي جەرلەردى ارالادى. اتاپ ايتقاندا، ەكسپەديتسيا كەرەي مەن جانىبەك حاندار تۇعىر تىككەن قوزىباس جەرى، سونىمەن قاتار، اڭىراقاي دالاسى مەن كەرەي حاننىڭ قىستاۋى، شارىباي تاۋ شاتقالى جانە بالبالتاستار ساقتالعان جايساڭ جەرىنە باردى.
ەسكە سالا كەتەيىك، 8- قازاندا ساعات 15:00 دە قازاق حاندىعىنىڭ 550 جىلدىعىنا ارنالعان رەسپۋبليكالىق ءىس-شارالار اياسىندا تاراز قالاسى م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ عيماراتىندا قازاقستان حالقى اسسامبلەياسىنىڭ «ۇلى دالا ەلى» رەسپۋبليكالىق تاريحي-مادەني ەكسپەديتسياسىن قورىتىندىلاۋ بويىنشا حالىقارالىق عىلىمي-تاجىريبەلىك كونفەرەنسيا وتەدى.
اتالعان ءىس-شاراعا ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى، ساياسي عىلىمدار دوكتورى ەرالى توعجانوۆ، جامبىل وبلىسىنىڭ اكىمى كارىم كوكىرەكبايەۆ، قازاق ۇلتتىق ونەر ۋنيۆەرسيتەتى قورقىت اتا مۇراسىن زەردەلەۋ بويىنشا عىلىمي-زەرتتەۋ ورتالىعىنىڭ ديرەكتورى، ق ح ا عىلىمي-ساراپتامالىق كەڭەسىنىڭ مۇشەسى، فيلولوگيا عىلىمدارىنىڭ دوكتورى، پروفەسسور مىرزاتاي جولداسبەكوۆ، ق ح ا مۇشەلەرى، ق ح ا عىلىمي-ساراپتامالىق كەڭەسىنىڭ مۇشەلەرى، قازاقستان مەن ت م د ەلدەرىنىڭ كورنەكتى تاريحشىلارى، قوعام قايراتكەرلەرى، ەتنومادەني بىرلەستىكتەردىڭ وكىلدەرى، ق ح ا ەكسپەديتسياسىنىڭ مۇشەلەرى، جاستار قاتىسادى.
فورۋم اياسىندا ق ح ا «ەكسپەديتسيا قاتىسۋشىلارىنىڭ جازبالارى» اتتى كۇندەلىكتەر مەن بىرەگەي مۇراعاتتىق قۇجاتتار سالتاناتتى تۇردە تابىستالىپ، ق ح ا عىلىمي ساراپتامالىق كەڭەسىنىڭ مۇشەسى، تاريح عىلىمدارىنىڭ دوكتورى گەورگي كان مەن ءال-فارابي اتىنداعى قاز ۇ ۋ «قازاقستان تاريحى» كافەدراسىنىڭ مەڭگەرۋشىسى تالاس وماربەكوۆ وتكىزەتىن ق ح ا- نىڭ «ۇلى دالا تاريحى» عىلىمي زەرتتەۋىنىڭ تانىستىرىلىمى بولادى.
فورۋم قورىتىندىسى رەتىندە ونىڭ قاتىسۋشىلارىنىڭ مەملەكەت باسشىسى ن. ءا. نازاربايەۆقا ارناعان ۇندەۋى قابىلدانادى.
ساعات 14:00 دەن 15:00 گە دەيىن م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ حوللىندا ق ح ا ەكسپەديتسياسىنىڭ قورىتىندىسىنا ارنالعان «قازاق ەلى تاريحى» كورمەسى فورۋم قاتىسۋشىلارىنىڭ نازارىنا ۇسىنىلادى.
8- قازاندا ساعات 11:30 دا م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ عيماراتىندا ب ا ق وكىلدەرىنە ارنالعان «ۇلى دالا ەلى» حالىقارالىق فورۋمى تۋرالى» باسپا ءسوز كونفەرەنتسياسى وتەدى.
كونفەرەنتسيا سپيكەرلەرى: ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى، ساياسات عىلىمدارىنىڭ دوكتورى ەرالى توعجانوۆ، جامبىل وبلىسىنىڭ اكىمى كارىم كوكىرەكبايەۆ، قازاق ۇلتتىق ۋنيۆەرسيتەتى قورقىت مۇراسىن زەرتتەۋ عىلىمي ورتالىعىنىڭ ديرەكتورى، ق ح ا كەڭەسىنىڭ مۇشەسى، فيلولوگيا عىلىمدارىنىڭ دوكتورى، پروفەسسور - مىرزاتاي جولداسبەكوۆ، ق ر پرەزيدەنتى جانىنداعى «قوعامدىق كەلىسىم» ر م م ديرەكتورى - ناتاليا كالاشنيكوۆا.
ەسكە سالا كەتەيىك، «100 قادام» ۇلت جوسپارىنىڭ ەرەجەلەرىن ىسكە اسىرۋ ماقساتىندا قازاقستان حالقى اسسامبلەياسى سەرىكتەستەرمەن بىرلەسە وتىرىپ، «ۇلى دالا ەلى» رەسپۋبليكالىق تاريحي-مادەني ەكسپەديتسياسىن ۇيىمداستىردى.
ەكسپەديتسيا 2015-جىلعى 11- قىركۇيەكتە ءۇش قالادا - استانا، اقتاۋ، پاۆلودار قالالارىندا ءبىر مەزگىلدە باستاۋ الىپ، 2015-جىلعى 9- قازاندا تاراز قالاسىندا قورىتىندىلانادى.
