اقتاۋدا ەگىز جىگىتتەر ەگىز قىزدارعا ۇيلەندى - فوتو
بۇل تۋرالى ەگىز جىگىتتەردىڭ اعاسى سۇلتان ۇزاقبايەۆ حابارلادى.
ونىڭ ايتۋىنشا، توي 2015 -جىلدىڭ 9 -قازانىندا اقتاۋدا وتەدى. كەشە، 4 -قازاندا اسىل مەن ايىمنىڭ ۇزاتۋ تويى ءوتتى.
ۇزاقبايەۆتىڭ ايتۋىنشا، جاستار ورال قالاسىندا تانىسقان. ايتا كەتەيىك، جىگىتتەر 10 مينۋت ارالىقپەن تۋعان. اسىلمەن جانە ايىممەن ءبىرىنشى بولىپ ەگىز جىگىتتەردىڭ كىشىسى جولداسبەك تانىسىپتى. «ول دۇكەنگە اياق كيىم ساتىپ الۋ ءۇشىن كەلدى. وزىنە تاڭدادى دا ساتۋشى ايىمنان تاعى وسىنداي اياق كيىمدى سۇرادى. «سەنىڭ ەگىزىڭ بار ما؟» دەپ سۇرايدى. ول «ءيا» دەپ جاۋاپ بەرەدى. سول كەزدە قىز وعان ءوزىنىڭ ەگىزى جايلى ايتىپتى»، - دەيدى ەگىزدەردىڭ اعاسى.
ايتا كەتەيىك، ايىم دا اسىلدان كىشى. بۇل وقيعالار 2014 -جىلى بولىپتى. قالاعا جىگىتتەر وقۋعا كەلگەن. ولار باتىس قازاقستان وبلىستىق جاڭگىر حان اتىنداعى ۋنيۆەرسيتەتتىڭ ستۋدەنتتەرى. ماماندىقتارى - مال دارىگەرى. ال قىزدار مۇعالىم وقۋىندا. «ءبىز ولارعا ماڭعىستاۋ وبلىسى بويىنشا ەگىز قىزداردى ىزدەدىك. ءبىراق ولار قالىڭدىقتارىن ورالدان تاپتى»، - دەپ ازىلدەدى سۇلتانبەك.
