ءبىز تاۋەلسىزدىگىمىزدىڭ قۇندىلىقتارىن ساقتاۋىمىز قاجەت

استانا. قازاقپارات - ءبىز تاۋەلسىزدىگىمىزدىڭ قۇندىلىقتارىن ساقتاۋىمىز قاجەت.

بۇگىن «ماڭگىلىك ەل - بولاشاعى ءبىرتۇتاس ەل» رەسپۋبليكالىق پاتريوتتار فورۋمى اياسىندا سۇحبات بەرگەن وڭتۇستىك قازاقستان وبلىستىق وزبەك مادەني ورتالىعىنىڭ ءتوراعاسى، وبلىستىق وزبەك دراما تەاترىنىڭ ديرەكتورى يكرام حاشيمجانوۆ وسىلاي دەدى.

«بۇگىنگى تاڭدا تاۋەلسىزدىگىمىزدىڭ قۇندىلىقتارىن ساقتاۋىمىز كەرەك. ال تاۋەلسىزدىگىمىزدىڭ قۇندىلىقتارى دەگەنىمىز بۇگىنگى كوپ ۇلتتى قازاقستاندىقتاردىڭ ۇلتارالىق تاتۋلىعىنىڭ قازاقستاندىق مودەلىن قالىپتاستىرۋ»، - دەپ اتاپ ءوتتى ول.

ي. حاشيمجانوۆتىڭ اتاپ وتۋىنشە، ماڭگىلىك ەل بولۋ ءۇشىن بيىلعى جىلى ەلباسىنىڭ جارلىعىمەن قازاق حاندىعىنىڭ 550 جىلدىق مەرەيتويى جوعارى دەڭگەيدە اتالىپ وتۋدە. استانادا، ەلىمىزدىڭ بارلىق وڭىرلەرىندە جيىندار وتسە، وسى اپتادا تاراز قالاسىندا ۇلكەن شارا ۇيىمداستىرىلادى.

«قازاقستان-2050» ستراتەگياسىندا جاڭا قازاقستاندىق پاتريوتيزم باعىتى بار. قازاقستاننىڭ ءاربىر ازاماتى ونىڭ حالقىن، ەلىن، مەملەكەتتىك رامىزدەرىن، سونىمەن بىرگە بارلىق ەتنوستاردىڭ ءتىلىن، مادەنيەتىن قۇرمەتتەپ، ءتوزىمدى بولسا وندا ءبىز ماڭگى ەل بولامىز»، - دەدى تەاتر ديرەكتورى.

سونىمەن قاتار ول ءوز سوزىندە رەسپۋبليكالىق پاتريوتتار فورۋمىنا دا توقتالىپ ءوتتى.

«پاتريوتيزم ۇعىمىن ءاربىر ازامات ءوز وتباسىنا ءسىڭىرۋى قاجەت. اتا-انا بالاسىن قالاي تاربيەلەسە، قوعام ونى سولاي قابىلدايدى. سوندىقتان ءاربىر پاتريوت بولاتىن بالانى تاربيەلەۋ ءۇشىن اتا-انا ۇلكەن ءمان بەرۋى كەرەك»، - دەدى ول.

اۆتور: مارلان جيەمباي