شىعىس قازاقستان وبلىسىنىڭ سەل قاۋپى بار اۋداندارىندا ت ج قىزمەتتەرى جاتتىعۋ وتكىزدى

وسكەمەن. قازاقپارات - ش ق و ت ج قىزمەتتەرى وبلىستىڭ سەل قاۋپى بار بەس اۋدانىندا كوماندالىق-شتابتىق جاتتىعۋلار وتكىزدى.

مۇنداي ايماقتارعا زايسان، قاتون-قاراعاي، ءۇرجار، تارباعاتاي اۋداندارى جانە ريددەر قالاسى جاتادى.

جاتتىعۋلاردا اكىمدىكتەرمەن جانە پوليتسەيلەرمەن بىرگە حابارلاندىرۋ، الدىن الا كوشىرىلەتىن جاعدايدا ءوزارا حاباردار ەتۋ، سونداي-اق اپاتتىق-قۇتقارۋ جۇمىستارىن وتكىزۋ جانە ادامداردى ۋاقىتشا پۋنكتتەردە ورنالاستىرۋ ماسەلەلەرى پىسىقتالدى.

تۇتاستاي العاندا جاتتىعۋلار ويداعىداي ءوتتى، دەپ اتاپ وتەدى ت ج دەپارتامەنتى.