بۇگىن رەسپۋبليكانىڭ ءبىرقاتار ايماقتارىندا جاڭبىر جاۋادى
رەسپۋبليكانىڭ سولتۇستىك-باتىسىندا، سولتۇستىگىندە، ورتالىعىندا جانە شىعىسىنىڭ كەي جەرلەرىندە تۇمان باقىلانادى، تەك وڭتۇستىك-باتىسىندا، وڭتۇستىگىندە جانە وڭتۇستىك-شىعىسىندا اۋا رايى جاۋىن-شاشىنسىز بولادى.
بۇل تۋرالى قازگيدرومەت حابارلادى.
اقمولا، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇندە جەل 15-20 م/س، كۇندىز 15-20، ەكپىنى 25 م/س دەيىن جەتەدى، سولتۇستىك قازاقستان، قاراعاندى، شىعىس قازاقستان وبلىستارىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى.
كۇندىز جامبىل وبلىسىنىڭ كەي جەرلەرىندە جەل 15-20، ەكپىنى 23 م/س كۇشەيەدى. وڭتۇستىك قازاقستان، اقتوبە وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.
اتىراۋ وبلىسىندا، قىزىلوردا، ماڭعىستاۋ وبلىستارىنىڭ كەي جەرلەرىندە جەل 15-20 م/س كۇشەيىپ، شاڭدى داۋىل كوتەرىلەدى. باتىس قازاقستان وبلىسىندا جەلدىڭ كۇشى 15-20، كەي جەرلەرىندە 25 م/س دەيىن كۇشەيەدى. قوستاناي وبلىسىنىڭ كەي جەرلەرىندە تۇمان كۇتىلەدى، تۇندە جەلدىڭ ەكپىنى 17-22 م/س، كۇندىز 15-20 م/س، كەي جەرلەرىندە 25 م/س دەيىن كۇشەيەدى.
