بابالار ءسوزى: «توپار» اتاۋى قايدان شىقتى؟
بۇل جوبا اياسىندا «بابالار ءسوزى»، «قازاق حاندارى»، «ەجەلگى قالالار تاريحى»، «حالىق قازىناسى» قاتارلى جاڭا ايدارلار اشىلدى.
«بابالار ءسوزى» ايدارى نەگىزىنە «مادەني مۇرا» باعدارلاماسى اياسىندا شىققان 100 تومدىق اۋىز ادەبيەتىنىڭ جىر-تولعاۋلارى، قيسسا-داستاندار، ءسوز ۇستاعان شەشەندەر مەن بيلەرىمىزدەن قالعان ناقىلدار، تاريحي جادىگەرلەر الىندى.
«قازاق حاندارى» ايدارىندا تاريحىمىزدا ەلىنە قورعان بولعان حانداردىڭ ءومىرى تۋرالى دەرەكتەر بەرىلەدى.
ال «ەجەلگى قالالار تاريحى» ايدارىنا قازاق دالاسىنداعى وركەنيەتتىڭ ورداسى بولعان كونە قالالاردىڭ تاريحى تۋرالى جازبالار جاريالانادى. «حالىق قازىناسى» ايدارى بويىنشا، قازاقستانداعى تاريحي، مادەني ەسكەرتكىشتەر، قازاق حالقىنىڭ سالت-داستۇرلەرى، قولونەر، قارۋ-جاراقتارى تۋرالى ماعلۇماتتار بەرىلمەك.
جوبا ماتەريالدارى قازاق تىلىندە (قازاقشا جانە توتە جازۋمەن) اگەنتتىك سايتىندا جاريالانادى.
* * *
توپار
ەرتەدە توپار، جاندار دەگەن ەكى اعايىندى جىگىتتەر بولعان ەكەن. ەكەۋى دە ءارى وجەت، ءارى باتىر ەكەن. ول كەزدە قالماقتار جاۋلاي باستاپتى. قالماقتار مىناداي شارت قويىپتى: «بۇقا مەن بۇقانى سۇزىستىرەيىك، ايعىر مەن ايعىردى توبەلەستىرەيىك، بالۋان مەن بالۋاندى كۇرەستىرەيىك، ەگەر دە وسى ۇشەۋى دە جەڭىسكە جەتكەن بولسا، جەردى بەيبىتشىلىك جولىمەن تاستاپ كەتەمىز» دەگەن. سوندا قازاقتاردىڭ بۇقاسى دا، ايعىرى دا، بالۋانى دا جەڭىسكە جەتكەن ەكەن. سودان وسى سايىس بولعان جەر توپار دەگەن كىسىنىڭ قۇرمەتىنە قويىلعان ەكەن...
