الماتىدا قوعامدىق كولىكتە «وڭاي» جولاۋشىلار كارتاسى ىسكە قوسىلادى

الماتى. قازاقپارات - الماتىدا قولما- قول اقشامەن جول اقىسىن تولەۋ جەلتوقساننان باستاپ جويىلۋى مۇمكىن.

ەندى قوعامدىق كولىكتە جولاۋشىلار «وڭاي» كارتاسى ارقىلى ەسەپتەسەتىن بولادى. بۇگىننەن باستاپ قالانىڭ مۋنيتسيپالدى پاركىندەگى قوعامدىق كولىكتەردە ەلەكتروندى بيلەتتەندىرۋ جۇيەسى ەنگىزىلدى.

بۇگىن قالا اكىمىنىڭ ورىنباسارى يۋريي يلين جاڭا تولەم جۇيەسىن سىناقتان وتكىزىپ كوردى.

«ق ر مەملەكەت باسشىسىنىڭ تاپسىرۋىمەن جاڭا جۇيەنى تولىعىمەن ەنگىزۋ 1 -قاڭتارعا بەلگىلەنگەن بولاتىن. الايدا، ەگەر الەۋمەتتىك جەڭىلدىگى بار كاتەگوريانى تۇگەل قامتىپ بولساق، قولما- قول اقشامەن ەسەپتەسۋدى بيىلعى جىلدىڭ جەلتوقسانىنان باستايتىن بولامىز. جول اقىسىن تولەمەگەن ازاماتتار قۇقىق قورعاۋ ورگاندارىنا تاپسىرىلىپ، اكىمشىلىك جازاعا تارتىلاتىن بولادى. ءقازىر تەرمينالداردى بارلىق ورىنداردا ورنالاستىرۋ جۇمىستارى ءجۇرىپ جاتىر. 1-اي كولەمىندە اياقتالاتىن بولادى»، - دەدى يۋ. يلين.

ونىڭ ايتۋىنشا، جاڭا جۇيەنى ورناتۋعا كەلىسپەي وتىرعان جەكە تاسىمالداۋشى كاسىپورىندار ەندى نارىقتان كەتەتىن بولادى.

بۇل تۋرالى قالادان 50 شاقىرىم قاشىقتىقتى قامتيتىن ايماققا قىزمەت كورسەتەتىن بارلىق كومپانيالارعا ەسكەرتىلدى.

جاڭا كەلىسىمگە وتىرۋ بارىسىندا ەندىگى كەزەكتە قالا اراسىندا جولاۋشى تاسىمالداۋشىلارعا كولىكتىڭ پايدالانۋ مەرزىمى 10 جىلدان اسپاۋى تۋرلى تالاپ قويىلاتىن بولادى.

ايتا كەتۋ كەرەك، «وڭاي» ارنايى كارتاسىنىڭ كەپىلدىك قۇنى 320 تەڭگە. ەگەر جولاۋشى ونى پايدالانباعان جاعدايدا قارجىسى قايتارىلادى. بالانسىندا 80 تەڭگە بولادى.

ارنايى جەڭىلدىكتەرگە يە مەكتەپ وقۋشىلارى، ستۋدەنتتەر، زەينەتكەرلەر، مۇگەدەك جاندار بۇل كارتانى تەگىن الادى.

كارتاعا اقشا سالۋ ءۇشىن قالادا 7535 تەرمينال ورنالاساتىن بولادى. كوميسسيا تولەمى تولەنبەيدى.

«الماتى كولىك حولدينگى» كومپانياسى باس ديرەكتورىنىڭ ورىنباسارى الەكساندر سميرنوۆتىڭ ايتۋىنشا، ساتىلىم باستالعان سوڭ 3 ساعاتتىڭ ىشىندە 870 كارتا ساتىلعان.

«ەگەر، بۇل كارتا جوعالعان جاعدايدا ەگەر الەۋمەتتىك جەڭىلدىگى بار كارتا بولسا، بلوكقا ءتۇسىرىپ قويۋعا بولادى. ال جاي كارتا بويىنشا ونى بەلگىلى ءبىر تۇلعانىڭ اتىنا جازدىرۋعا مۇمكىندىك بەرەتىن سەرۆيس ەنگىزەتىن بولامىز. ءوز اتىڭىزعا تىركەلگەن سوڭ سول سەرۆيسكە قوڭىراۋ شالىپ، كىلتسوز بەن كارتا ءنومىرىن ايتىپ، بلوكقا تۇسىرە الاسىز. سونداي- اق، كارتاداعى اقشاڭىزدى دا جاڭاسىنا اۋىستىرا الاسىز»، - دەدى الەكساندر سميرنوۆ.

ازىرگە جاڭا جوبا پيلوتتىق ماقساتتا جۇزەگە اسادى. جۇيە تولىعىمەن 1 -قاڭتاردان ىسكە قوسىلادى.

جوبا قۇنى 12 ميلليون ا ق ش دوللارىن قۇراپ وتىر.

اۆتور: گۇلميرا عوسمانالي