بەردىبەك ساپاربايەۆتىڭ «كولەڭكەسىنەن» قورىققان تەاتر قىزمەتكەرلەرى ابدىراپ قالدى
تاحاۋي احتانوۆ اتىنداعى وبلىستىق دراما تەاترىنىڭ ديرەكتورى نۇرلىبەك جۇباتقان شوشىعانىنان عيماراتتى «ءۇش اينالىپ جۇگىرىپ» شىققان.
اقتوبە وبلىسىندا اكىم اۋىسقالى وڭىردە اڭگىمە كوبەيدى. ساپارىن اياق استىنان جوسپارلايتىن ساپاربايەۆقا اكىمدىكتەگىلەر دە ۇيرەنە الماي ءجۇر.
اكىم جۇرگەن جەردە ءبارى ورە تۇرەگەلىپ جۇرەتىن باسقارما باسشىلارى ساپاربايەۆتىڭ «تاكتيكاسىنا» ۇيرەنە الماي جاتىر. ونىڭ ءبىر مىسالىن اپتا سوڭىندا جىلدىڭ جاڭا ماۋسىمىن اشقان وبلىستىق دراما تەاترداعى ءبىر كۇنگى دۇرلىگۋدەن كورۋگە بولادى. جاعدايدى تەاتر ديرەكتورى Facebook جەلىسىندەگى ءوز پاراقشاسىندا باياندايدى.
وسى كەزدە ساۋ ەتە قالىپ، الدىڭعى قاتارعا وتكەن ءۇش كىسى تەاتر قىزمەتكەرلەرىن اياعىنان تىك تۇرعىزادى. زال سىرتىندا قاربالاس باستالعان.
«وبلىس اكىمى جاڭا ماۋسىمنىڭ شىمىلدىعىن اشاتىن قويىلىمدى قاراۋعا كەلەدى ەكەن» دەگەن حابار تەاتر قىزمەتكەرلەرىنىڭ قۇلاعىنا جەتكەن. وبلىستىق تەاتردىڭ باسشىلىعى عيماراتتىڭ ءتورت ەسىگىنە دە كۇزەت قويىپ، ءتورت كوزدەرى تۇگەلدەي اكىمدى كۇتەدى. تاڭدا باستالعان دۇرلىگۋمەن كەش بولادى. كۇتكەن اكىم جوق. زالدىڭ شامى ءسونىپ، «انت» اتتى قويىلىم باستالىپ تا كەتەدى. وسى كەزدە ساۋ ەتە قالىپ، الدىڭعى قاتارعا وتكەن ءۇش كىسى تەاتر قىزمەتكەرلەرىن اياعىنان تىك تۇرعىزادى. زال سىرتىندا قاربالاس باستالعان. بيلەت تەكسەرەتىن كەلىنشەك: «تەاترعا اكىم كىرىپ كەتتى. ەشقاشان، ومىرىمدە قويىلىمعا كەلگەن اكىمدى كورگەن ەمەسپىن»، - دەپ ەسىنەن تانعان. ونى بەتىنە سۋ شاشىپ، ارەڭ سابىرعا شاقىرادى.
ال تەاتر ديرەكتورى جەكە پاراقشاسىنا جازعان پىكىرىندە «ساسقانىمنان تەاتردى ءۇش اينالا جۇگىرىپ شىقتىم» دەگەن. تەاترداعىلار اكىمگە ارناپ، ەكى ورتادا داستارحان جايىپ تا ۇلگەرەدى. قويىلىم ءبىتتى. جارىق جاندى. اكىم جوق. جاڭاعى كىرىپ كەلگەن ءۇش كىسى مۇلدە باسقا ادامدار.
تەاتر قىزمەتكەرلەرىنىڭ اكىم دەپ دۇرلىگىپ جۇرگەنى اقتوبەدەگى تانىمال ۇستازداردىڭ ءبىرى بوپ شىعادى. نە كەرەك، تەاترداعىلار ءوز قويىلىمدارىنا ءبىر كۇلىپ، تەرلەپ شاي ىشكەن.
ساپاربايەۆتىڭ ءار ساپارى اقتوبەدە وسىلاي اڭىز بولىپ ءجۇر. جەلىدەگى ماقالاعا پىكىر جازۋشىلاردىڭ ءبىرى كىتاپحاناشىلاردى سەنبى كۇنى دە اكىم كەلەدى دەپ، جۇمىسقا شاقىراتىنىن جازعان. ال الىس اۋداندا تۇراتىن كەيبىر دەرەككوزدەردىڭ ايتۋىنشا، ساپاربايەۆ كەلىپ قالادى دەپ قورىققان باسشىلىق قىزمەتكەرلەرگە كوشەدەگى ارام شوپتەردى دە جۇلعىزعان كورىنەدى.
وبلىستىق تەاتردىڭ ديرەكتورى نۇرلىبەك جۇباتقان NUR. KZ تىلشىسىنە مۇنىڭ بارلىعى دا بولعان وقيعا ەكەنىن، بيلەت ساتۋشى ايەلدىڭ قاراڭعىدا اكىم كىرىپ كەتتى دەپ ساسىپ قالعانى دا راس ەكەنىن ايتتى.
فوتو: teatr.ai.kz
