07:55, 30 - قىركۇيەك 2015 | GMT +5
و ق و- دا مۇعالىم وقۋشىنى تاپسىرمانى قايتالاۋدى سۇراعانى ءۇشىن سوققىعا جىققان
استانا. قازاقپارات - شىمكەنت قالاسىنىڭ مارتوبە اۋداندىق مەكتەبىندە مەكتەپ ديرەكتورىنىڭ تاربيە جۇمىس جونىندەگى ورىنباسارى قىزمەتىن قوسا اتقاراتىن باستاۋىش اسكەري دايارلىق ءپانىنىڭ مۇعالىمى وقۋشىنى تاپسىرمانى قايتالاۋدى سۇراعانى ءۇشىن سوققىعا جىققان.
11-سىنىپ وقۋشىسى داۋلەت قۇلتاي تاپسىرمانى قايتالاۋدى سۇراعانى ءۇشىن تاياق جەگەنىن اڭگىمەلەيدى. پەداگوگ ونى اۋەلى سىنىپتا سىنىپتاستارىنىڭ كوزىنشە سوققىعا جىققان، سودان كەيىن كوشەگە الىپ شىعىپ، ۇرۋدى جالعاستىرعان، دەپ جازادى وتىرار. ك ز.
«مەن باسىمدى قابىرعاعا سوعىپ، ەسىمنەن تانىپ قالدىم»، - دەدى وقۋشى.
مەكتەپ باسشىلىعى بۇل وقيعا بويىنشا قازىر تەكسەرۋ جۇرگىزىلىپ جاتقانىن ايتتى.
«مۇقيات تەكسەرىپ، انىقتاعاننان كەيىن بۇل پەداگوگكە قانداي شارا قولدانىلاتىنىن شەشەمىز. قازىر ونىمەن قاراتاۋ اۋدانىنىڭ پروكۋراتۋراسى اينالىسۋدا»، - دەدى مەكتەپ ديرەكتورىنىڭ مىندەتىن اتقارۋشى گۇلميرا ابەتايەۆا.
