تالدىقورعانداعى زياتكەرلىك مەكتەپ بالاباقشاسىندا تاربيەلەنۋشىلەردىڭ اتا- انالارى ق ر پرەزيدەنتىنە حات جازدى
دەپ حابارلايدى اقوردانىڭ باسپا ءسوز قىزمەتى.
بالاباقشا، باستاۋىش مەكتەپ جانە جوعارى سىنىپتار اراسىنداعى ساباقتاستىق قاعيداتى جۇزەگە اسىرىلعان بىرەگەي وقۋ ورنى قۇرىلعانى ءۇشىن اتا- انالار العىستارىن بىلدىرگەن. مادەنيەتتى، جان- جاقتى دامىعان، زياتكەر ءارى تابىستى تۇلعا بولىپ قالىپتاسۋ ءۇشىن بالالار قولايلى جاعدايدا ءتالىم- تاربيە مەن ءبىلىم الىپ جاتقانىن اتاپ وتكەن. اۆتورلار سونداي- اق وسى مەكەمەدەگى ءتىل ۇيرەتۋ باعدارلاماسىن جوعارى باعالاپ، سونىڭ ارقاسىندا بالاباقشا تۇلەكتەرى مەملەكەتتىك ءتىلدى مەڭگەرۋ جونىنەن ۇزدىك ناتيجە كورسەتىپ وتىرعانىن ايتقان.
«بالالارىمىزدىڭ جەتىستىكتەرىنە قاراپ، قازاق ءتىلىن ءۇش جاستان باستاپ ۇيرەتۋ جاقسى ناتيجە بەرەتىنىن، بۇل ولارعا بولاشاقتا قاجەت بولاتىنىن تۇسىنەمىز»، - دەلىنگەن حاتتا.
اتا- انالار پەداگوگتار ۇجىمىنىڭ كاسىبي دەڭگەيى جوعارى ەكەنىن، تاربيەلەنۋشىلەرمەن قاتار ولار اتا- انالارمەن دە بەلسەنە جۇمىس جۇرگىزەتىنىن اتاپ وتكەن.
«بالاباقشادا ءتۇرلى تاقىرىپ بويىنشا شەبەرلىك سىنىپتارى، فەستيۆالدەر، كونكۋرستار، سپورت جارىستارى، وتباسىمەن بىرگە كينوعا، سىرعاناققا، تابيعات اياسىنا بارۋ سياقتى شارالار وتكىزىلەدى. ءبىز ءوزىمىز دە «تاربيەشى - اتا- انا - بالا» قارىم- قاتىناسىنىڭ جاڭا قىرلارىن تانىپ- ءبىلىپ جاتىرمىز. پەداگوگتاردىڭ ءارقايسىنا ءوز جۇمىسىنا دەگەن ىجداعاتتىلىعى مەن العا قويعان ماقسات- مىندەتتەردى ىسكە اسىرۋداعى جاڭاشىل قادامدارى ءۇشىن العىس بىلدىرگىمىز كەلەدى»، - دەيدى حات اۆتورلارى.
