10:27, 28 - قىركۇيەك 2015 | GMT +5
ءوز ايەلىڭدى قورقىتساڭ، قاماۋعا الىناسىڭ
استانا. قازاقپارات - اقتاۋ تۇرعىنى ءوز ايەلىنە بىلاپىت ءسوز ايتىپ، قورقىتقانى ءۇشىن قاماۋعا الىندى، - دەپ حابارلايدى "تۋمبا" پورتالى.
سوت وتىرىسىندا ەر ادامنىڭ تۇنگى ۋاقىتتا شۋ شىعارعانى انىقتالدى. ول ماس كۇيىندە ايەلىنە بىلاپىت ءسوز ايتىپ، ۇرىپ- سوعامىن دەپ قورقىتقان.
اقتاۋ قالالىق مامانداندىرىلعان اۋدانارالىق سوتىنىڭ ۇكىمىمەن 10 تاۋلىككە اكىمشىلىك قاماۋعا الىندى. سونىمەن قاتار، سوت وعان ءوز ايەلىنە قاتىستى زاڭعا قايشى ارەكەت جاساۋعا تىيىم سالدى.
ەسكە سالايىق، وسىعان ۇقساس وقيعا تامىز ايىنىڭ باسىندا باتىس قازاقستان وبلىسىندا بولعان ەدى. ەر ادام ءوز ۇيىندە بولا تۇرا جانە ماس كۇيىندە ايەلىنە بىلاپىت ءسوز ايتقانى ءۇشىن ەكى تاۋلىككە قاماۋعا الىنعان بولاتىن.
Tengrinews.kz
